51:290  qui  avoit  este  auparavant  incomprehensible  a  tous  hommes,  et  que  iamais  on  n'eust  creu  ni  pense.  Car  il  sembloit  qu'il  avoit  choisi  seulement  la  lignee  d'Abraham  a  telle  condition  que  tout  le  reste  du  monde  fust  reiette  de  luy.  Et  quand  sa  grace  s'est  espandue  en  commun,  voila  une  chose  admirable.  Mais  encores  du  temps  que  Iesus  Christ  est  apparu  au  monde,  nous  scavons  que  ce  peuple  la  estoit  du  tout  abastardi,  que  la  doctrine  de  Dieu  estoit  tellement  falsifiee,  qu'il  n'y  avoit  que  superstitions  entre  les  Iuifs.  Il  sembloit  donc  que  tout  fust  desespere,  quand  soudain  outre  l'opinion  des  hommes  voila  le  salut  qui  est  presente  a  toutes  nations.  Voila  Christ  qui  est  le  Soleil  de  iustice  qui  esclaire  le  monde,  qui  auparavant  estoit  en  tenebres  obscures,  voire  et  si  profondes  que  iamais  on  n'eust  espere  qu'il  en  deust  sortir.  Pour  ceste  cause  donc  S.  Paul  dit  qu'en  l'Evangile  nous  cognoissons  le  secret  de  la  volonte  de  Dieu.  Il  est  vray  que  de  prime  face  ii  semblera  qu'il  n'y  ait  que  simplicite.  Et  voila  aussi  pourquoy  beaucoup  de  coquars  pensent  que  ce  qui  est  contenu  en  l'Evangile  n'est  que  pour  les  idiots  :  il  leur  semble  qu'en  resvant  ils  se  forgeront  des  songes  beaucoup  plus  subtils  que  n'est  toute  la  doctrine  de  Iesus  Christ.  Mais  telles  gens  ne  sont  pas  dignes  de  gouster  ce  qui  nous  est  ici  monstre:  car  leur  orgueil  aussi  les  aveugle,  et  les  rend  du  tout  stupides.  Mais  quoy  qu'il  en  soit,  si  est-ce  que  les  fideles  sentent  bien  qu'il  y  a  une  maieste  divine  en  la  doctrine  de  l'Evangile.  Et  voila  aussi  pourquoy  S.  Paul  nous  advertit  en  ce  passage,  qu'il  ne  faut  point  que  nous  venions  la  pour  comprendre  rien  de  vulgaire:  mais  que  nous  soyons  eslevez  par  dessus  le  monde.  Car  iamais  nous  ne  serons  dociles  a  Dieu,  iamais  nous  ne  serons  preparez  pour  profiter  en  son  escole,  que  nous  ne  soyons  eslevez  par  dessus  le  monde,  et  que  nous  n'adorions  ce  que  Dieu  nous  prononce  de  sa  bouche  sacree.  Bref,  le  commencement  et  l'entree  de  nostre  foy,  c'est  humilite.  Mais  comment  les  hommes  se  pourront-ils  bien  humilier,  sinon  qu'ils  cognoissent  que  ce  que  Dieu  leur  monstre  est  par  dessus  toute  leur  intelligence  et  leur  mesure?  Voila  donc  a  quoy  S.  Paul  a  pretendu,  c'est  que  nous  portions  une  reverence  a  l'Evangile,  cognoissans  que  ce  n'est  pas  a  nous  d'estre  iuges  si  Dieu  a  parle  bien  ou  mal.  Car  il  nous  faut  tenir  pour  resolu,  que  tout  ce  qui  procede  de  luy,  c'est  une  sagesse  infinie,  et  a  laquelle  il  n'y  a  que  redire.  A  fin  donc  que  toute  gloire  soit  abatue  en  nous,  et  que  nous  apprenions  en  sobriete  et  modestie  d'adorer  la  doctrine  qui  nous  est  publiee  au  nom  de  Dieu,  voila  pourquoy  notamment  S.  Paul  a  mis  ce  secret.  Or  a  fin  que  nous  scachions  combien  nous  sommes  obligez  a  Dieu,  il  reitere  ce  mot  qu'il  avoit  mis  auparavant,  Selon  son  bon  plaisir.  Et  c'est  pour  19