50:290  pitre  des  Hebrieux.  Puis  qu'ainsi  est  donc  que  toutes  les  graces  que  Dieu  nous  fait,  sont  propres  a  nostre  Seigneur  Iesus  Christ,  il  faut  que  nous  communiquions  a  luy,  et  par  son  moyen  nous  en  soyons  participans.  Ainsi  non  sans  cause  S.  Paul  dit  ici,  De  par  Dieu  le  Pere  et  de  par  nostre  Seigneur  Iesus  Christ  Et  mesmes  afin  de  nous  donner  plus  grande  asseurance  que  Dieu  nous  sera  propice,  quand  nous  le  cercherons  en  verite  et  sans  feintise,  voire  par  le  moyen  de  son  Fils  unique,  il  dit  que  Iesus  Christ  s'est  donne  pour  nos  pechez.  Or  ii  est  certain  que  rien  n'empesche  que  Dieu  ne  nous  ait  agreables,  sinon  nos  iniquitez.  Car  nous  voyons  que  sa  misericorde  s'estend  iusques  aux  passereaux  qui  volent  en  l'air,  et  iusques  aux  bestes  brutes:  car  quand  le  foin  est  produit  aux  montagnes,  et  que  Dieu  fait  croistre  les  autres  fruicts  pour  le  bestail,  c'est  signe  qu'il  en  a  le  soin.  Et  voila  des  marques  de  sa  bonte,  comme  il  en  est  parle  au  Pseaume.  Comment  donc  n'aimera-il  ceux  qu'il  a  formez  a  son  image,  et  qui  approchent  beaucoup  plus  de  luy  et  de  sa  nature,  c'est  a  scavoir  les  hommes?  Dieu  donc  entant  qu'il  nous  a  creez,  nous  recoit  et  nous  advoue  pour  siens:  mais  d'autant  que  nous  sommes  corrompus,  et  que  nostre  nature  est  vicieuse,  voila  qui  est  cause  de  la  haine  de  Dieu,  et  que  nous  luy  sommes  ennemis,  et  qu'il  y  a  comme  une  guerre  mortelle  entre  luy  et  nous,  iusques  a  ce  qu'il  nous  ait  receus  au  nom  de  nostre  Seigneur  Iesus  Christ.  Afin  donc  que  nous  n'ayons  nulle  occasion  de  douter  de  l'amour  de  Dieu,  S.  Paul  nous  met  ici  en  avant  le  sacrifice  par  lequel  la  memoire  de  nos  transgressions  a  este  effacee,  tellement  que  maintenant  Dieu  ayant  oublie  toutes  nos  pouretez,  nous  regarde  comme  siens,  et  comme  ceux  ausquels  il  a  imprime  sa  marque:  brief  qu'il  a  creez  pour  estre  ses  enfans  et  heritiers.  Or  par  cela  nous  sommes  admonestez  qu'il  n'y  a  autre  moyen  d'avoir  nos  consciences  paisibles,  et  de  pouvoir  invoquer  Dieu  en  pleine  liberte,  sinon  en  nous  appliquant  le  sacrifice  que  nostre  Seigneur  Iesus  a  offert,  et  auquel  il  a  accompli  toute  satisfaction,  tellement  que  maintenant  Dieu  nous  recoit  comme  ses  propres  enfans.  Or  ici  en  premier  lieu  nous  voyons  la  vertu  de  la  mort  et  passion  de  nostre  Seigneur  lesus  Christ:  c'est  qu'en  icelle  nous  trouvons  l'appointement  entre  Dieu  et  nous:  au  lieu  qu'auparavant  nous  estions  divisez:  et  qu'il  faloit  que  Dieu  nous  eust  en  detestation,  il  nous  daigne  recevoir  en  son  amour.  Et  pourquoy?  D'autant  que  nostre  Seigneur  Iesus  Christ  a  repare  toutes  nos  fautes  et  transgressions  par  l'obeissance  qu'il  a  rendue  en  sa  mort  et  passion,  et  mesmes  le  sacrifice  qu'il  a  offert  a  este  la  satisfaction  de  nos  pechez:  et  puis  il  y  a  aussi  bien  la  purgation  en  son  sang,  qui  nous  a  lavez  de  toutes  19