5:290  illud  impendere  tibi  non  sentis:  quod  a  se  non  audebat  sanctus  Dei  apostolus  deprecari,  si  partibus  suis  defuisset.  Iam  vero  (qualis  est  praesens  ecclesiae  tuae  status,  aut  verius  ruina)  nisi  plus  quam  saxeus  esses,  eorum  quoque  fortuna  commoveri  te  oportebat,  quos  in  fidem  tutelamque  tuam  Dominus  contulit.  Quibus  enim  1)  oculis  otiosus  et  oscitabundus  tantam  eorum  cladem  aspicis,  quorum  tibi  salutem  adeo  sollicite  Dominus  commendavit?  Unus  bi  desidia  tua  perierit,  sanguinem  e  manu  tua  se  reposciturum  Dominus  edicit.  Recognosce  paulisper  mecum,  quot  iam  paucis  his  mensibus,  quibus  episcopi  locum  occupasti,  animae  tua  culpa  perierint,  quot  etiam  quotidie  pereant:  si  tamen  potes.  Nam  si  verum  est  quod  per  prophetam  (Ies.  5,14)  suum  conqueritur  Dominu^:  Infernum  propterea  in  immensum  os  suum  aperuisse,  et  animam  suam  dilatasse,  propterea  captivum  esse  ductum  populum,  quia  non  habuerit  scientiam:  quis  inferni  gurges  ad  deglutiendam  miseram  hanc  et  tua  perfidia  perditam  plebeculam  sufficiet?  quae  non  vulgari  inscitia  obvoluta  tenetur,  sed  altissimis  tenebris  immersa,  oculos  vix  iam  attollere  potest.  Illam  Iudaeorum  ignorantiam,  quam  deplorat  propheta,  cum  saeculi  huius  caecitate  conferas:  illos  sane  prae  tuis  eximie  sapuisse  dices.  Adeo  nihil  istis  superest  humani  sensus,  quominus  plane  obstupuerint,  nisi  quod  nihil  aliud  quam  perire  edocti,  mira  pereundi  cupiditate  insaniunt.  Et  quum  ita  omnes  ad  unum  agminatim  attoniti,  et  velut  exitio  suo  devoti,  sese  in  voraginem  ultro  devolvant,2)  instant  tamen  semper  a  tergo  furiae,  quae  novis  subinde  aculeis  instigent,  et  praecipitantes  impellant.  Denique  non  alia  est  facies,  quam  si  civitas  aliqua  et  gravi  pestilentia  correpta,  et  [pag.  57]  hostiliter  expugnata,  duplici  pariter  internecione  concideret  et  uno  simul  incendio  universa  conflagraret.  Ad  buccinam  excubitor,  ad  arma  pastor.  Quid  cessas?  quid  torpes?  quid  dormis?  Dum  animum  externis  et  nihil  ad  rem  pertinentibus  curis  abreptum  huc  non  advertis,  omnia  strage  referta  sunt.  Tot  mortes  Domino  debes,  infelix,  toties  homicida  es,  toties  reus  sanguinis,  cuius  guttas  omnes  e  manu  tua  Dominus  requiret.  Et  sustines  adhuc  tantum  fulmen  intrepidus?  Non  exhorres?  non  turbaris?  non  animo  et  corpore  totus  concidis?  O  te  nimium  praefracta  contumacique  cervice  hominem,  si  ad  tantum  Domini  iudicium  non  consternaris,  cuius  profecto  gravitatem  coelum  et  terra,  et  ipsa  muta  elementa  non  sustinerent.  Sed  parum  adhuc  dico,  quum  te  homicidam  appello,  et  tuorum  proditorem.  Hoc  enim  maius  omni  probro  flagitium  est,  quod  Christum  ipsum,  quantum  in  te  1)  Edd.  rece  lbltirseqQ.  male  scribunt,  olim.  2)  1576  .1611  devolant  19