49:290  certius  in  hac  potentia  acquiescant,  addit  eam  nobis  testificatam  esse  evangelio:  ubi  vides  evangelium  non  promittere  nobis  tantum  praesentem  gratiam,  sed  afferre  quoque  nobis  certitudinem  gratiae  perpetuo  duraturae.  Neque  enim  illic  se  modo  patrem  esse  in  praesentia  denuntiat  Deus,  sed  ad  extremum  fore:  imo  eius  adoptio  ultra  mortem  porrigitur,  quia  ad  aeternam  haereditatem  nos  ducit.  Reliqua  ad  commendandam  evangelii  vim  ac  dignitatem  sunt  posita.  Praeconium1)  Iesu  C  h  r  i  s  t  i  appellat  evangelium,  ut  certe  Christi  cognitione  tota  eius  summa  continetur:  eius  doctrinam,  revelationem  mysterii2):  quod  non  modo  attentiores  ad  eam  auscultandam  facere  nos  debet,  sed  summam  eius  venerationem  animis  nostris  imprimere.  Quam  autem  sublime  sit  arcanum  illud  significat,  quum  addit  fuisse  ab  exordio  mundi  per  tot  saecula  reconditum.  Non  habet  quidem  turgidam  fastuosamque  sapientiam,  qualem  appetunt  filii  huius  saeculi,  a  quibus  etiam  ideo  contemptui  habetur:  sed  explicat  inenarrabiles  illos  coelestis  sapientiae  thesauros,  omni  ingenio  altiores:  quos  si  angeli  quoque  ipsi  cum  stupore  adorant,  nemo  certe  hominum  suspicere  satis  potest.  Neque  vero  minoris  fieri  haec  sapientia  debet,  quod  sub  humili  plebeiaque  verborum  simplicitate  lateat:  quoniam  ita  placuit  Domino  carnis  arrogantiam  subigere.  Quoniam  autem  id  nonnullam  .iniicere  dubitationem  poterat,  quomodo  totsaeculis  suppressum  istud  mysterium,  tam  subito  emersisset:  docet,  non  temeritate  hominum  nec  casu  fortuito  id  esse  factum,  sed  aeterna  Dei  ordinatione  :  ubi  etiam  curiosis  quaestionibus,  quas  movere  solet  humani  ingenii  protervia,  ianuam  claudit.  Quidquid  enim  repente  ac  praeter  spem  acciderit,  ex  improviso  factum  putant:  unde  saepe  perperam  colligunt,  absurda  esse  Dei  opera,  vel  saltem  multis  perplexis  dubitationibus  sese  impediunt.  Paulus  ergo,  quod  nunc  repente  apparuit^  ante  mundum  conditum  a  Deo  fuisse  decretum  admonet.  Caeterum3)  ne  quis  de  ea  re  controversiam  faciat,  quo  novitatis  insimulet  evangelium,  eoque  nomine  infamet:  allegat  scripturas  propheticas,  ubi  praedictum  erat  quod  impletum  iam  cernimus.  Adeo  enim  luculentum  testimonium  reddiderunt  evangelio  prophetae  omnes,  ut  aliunde  melius  confirmari  nequeat.  Et  hoc  modo  rite  praeparavit  Deus  suorum  mentes,  ne  eas  nimium  percelleret  novitas  rei  insolitae.  Si  quis  obiiciat,  repugnantiam  esse  in  verbis  Pauli,  quia  mysterium,  de  quo  testatus  est  Deus  per  prophetas,  tacitum  fuisse  dicit  omnibus  saeculis,  facilis  solutio  huius  nodi  a  Petro  datur  (1.  Pet.  1,  12),  prophetas,  quum  sedulo  de  salute  nobis  oblata  exquisierint,  non  sibi,  sed  nobis  ministrasse.  Itaque  Deus  *)  Praedicationem  2)  arcani  3)  Postremo