47:290  si  demersi  sumus  in  amorem  mundi,  ut  non  facile  sit  eius  oblivisci,  fieri  non  potest  ut  in  coelum  pergamus.  Sed  quum  tam  violenter  Christus  nos  expergefaciat,  nimis  absurdum  esset  exitialem  somnum  dormire.  26.  Si  quis  mihi  ministraverit  Quo  mors  minus  nobis  acerba  sit  ac  molesta,  Christus  ad  eam  libenter  subeundam  exemplo  suo  nos  invitat:  pudebit  certe  hoc  honoris  recusare,  ut  simus  eius  discipuli.  Atqui  non  alia  lege  nos  in  suorum  numerum  admittit,  nisi  quam  ipse  praemonstrat  viam  sequamur.  Est  autem  nobis  dux  itineris  ad  obeundam  mortem.  Mitescit  ergo,  et  quodammodo  suavis  redditur  mortis  acerbitas,  dum  nobis  eius  subeundae  conditio  cum  filio  Dei  communis  est.  Ergo  tantum  abest  ut  nos  propter  crucem  abhorrere  a  Christo  conveniat,  ut  potius  in  eius  gratiam  mors  appetenda  sit.  Eodem  pertinet  quod  sequitur,  et  ubi  ego  sum,  illic  minister  meus  erit  Exigit  enim  ne  recusent  sui  ministri  se  morti  subiicere,  ad  quam  praeire  ipsum  vident.  Neque  enim  aequum  est,  ut  quidquam  habeat  separatum  minister  a  domino  suo.  Futurum  tempus  in  verbo  erit  positum  est  vice  imperativi  more  hebraico.  Aliis  videtur  esse  consolatio,  quasi  promitteret  Christus  consortes  suae  resurrectionis  fore,  quibus  grave  non  fuerit  simul  mori:  sed  illud,  quod  dixi,  probabilius  est.  Postea  enim  additur  consolatio,  quod  pater  mercede  non  frustrabitur  Christi  ministros,  qui  individui  fuerint  illi  comites  tam  in  vita  quam  in  morte,  27.  Nunc  anima  mea  turbata  est,  et  quid  dicam?  Pater,  serva  me  ex  hac  hora:  sed  propterea  veni  in  horam  hanc.  28.  Fater,  glorifica  nomen  tuum.  Venit  ergo  vox  e  coelo:  Et  glorificavi,  et  iterum  glorificabo.  29.  Turba  ergo,  quae  stabat  et  audierat,  dicebat  tonitru  factum  esse.  Alii  dicebant:  Angelus  ei  loquutus  est  30.  Bespondit  Iesus  et  dixit:  Non  propter  me  haec  vox  facta  est,  sed  propter  vos.  31.  Nunc  iudicium  est  mundi  huius  :  nunc  princeps  mundi  huius  eiicietur  foras.  32.  'Et  ego  si  exaltatus  fuero  a  terra,  omnes  traham  ad  me  ipsum.  33.  Hoc  autem  dicebat  significans,  qua  morte  esset  moriturus.  27.  Nunc  anima  mea.  Videtur  initio  sententia  haec  multum  discrepare  a  proximo  sermone.  Illud  plus  '  quam  heroici  pectoris  signum  erat,  hortari  suos  non  modo  ad  subeundam  mortem,  se*d  libenter  et  cupide  oppetendam,  ubi  res  ita  postulat:  nunc  mortem  refugiendo  mollitiem  suam  fatetur.  Nihil  tamen  hic  legimus,  quod  non  optime  conveniat,  quemadmodum  quemque  fidelium  propria  experientia  docet.  Si  rideant  nasuti  homines,  nihil  mirum:  neque  enim  potest  hoc  intelligi  nisi  praxis  accedat.  Caeterum  saluti  nostrae  utile  fuit,  imo  necessarium  sic  affici  filium  Dei.  In  morte  eius  praecipue  19