41:290  scilicet  Deus  regenerans  nos  spiritu  suo  insculpit  suas  notas  et  insignia,  unde  agnosci  possit  nos  esse  vere  eius  filios.  Sequitur,  2.  Et  multi  ex  dormientibus  (vertunt,  ad  verbum  in  terra  pulveris)  in  terra  pulvere  (vel  multi  ex  dormientibus,  qui  sunt  in  terra  et  pulvis.  Ita  genitivus  esset  loco  epitheti,  potest  tamen  appositive  legi,  hoc  est,  qui  redacti  sunt  in  terram  et  in  pulverem)  evigilabunt  M  in  vitam  saeculi  (hoc  est,  perpetuo),  hi  vero  in  opprobrium  et  in  abominationem  perpetuam.  Videtur  angelus  hic  transitum  facere  ab  exordio  praedicati  evangelii  ad  ultimum  diem  resurrectionis  non  satis  opportune.  Cur  enim  transit  tempus  intermedium,  de  quo  multa  certe  dicenda  erant?  Sed  optime  vel  aptissime  coniungit  haec  duo,  nempe  salutem  ecclesiae  cum  resurrectione  ultima,  vel  cum  secundo  Christi  adventu.  Si  enim  circumspicimus  huc  et  illuc,  nusquam  occurret  nobis  materia  salutis  in  terra.  Pronuntiat  angelus  omnes  electos  fore  salvos.  Iam  electi  dum  miserrime  undique  premuntur,  si  oculos  vertant  in  omnes  partes,  iacebunt  semper  confusi.  Ergo  non  ante  concipi  poterit  spes  salutis  promissae,  quam  si  electi  animos  suos  attollant  in  secundum  Christi  adventum.  Perinde  igitur  est  ac  si  dixisset  angelus,  Deus  ecclesiae  suae  servator  quidem  erit  usque  ad  finem,  sed  modus  ipse  servandi  ne  aestimetur  ex  sensu  carnis,  quoniam  ecclesia  similis  erit  mortuo  cadaveri  usque  dum  resurgat.  Videmus  ergo  idem  angelum  nunc  docere  quod  aliis  verbis  tradit  Paulus  (Colos.  3,  3),  nos  esse  mortuos,  et  vitam  nostram  absconditam  esse  cum  Christo,  tunc  vero  manifestam  fore  quum  apparuerit  e  coelis.  Hoc  quidem  initio  tenendum  est,  Deum  satis  potentem  esse  ad  nos  tuendos,  et  ideo  minime  dubitandum  esse,  quin  salvi  simus  sub  eius  manu  et  tutela,  sed  interim  necesse  est  hoc  secundum  adiungi,  nempe  quamdiu  oculos  nostros  defigimus  in  praesenti  statu,  vel  consideramus  quid  sese  nobis  in  mundo  offerat,  semper  fore  similes  mortuis.  Quare?  Oportet  vitam  nostram  esse  absconditam  cum  Christo.  Salus  igitur  nobis  certa  est,  sed  in  spe,  quemadmodum  etiam  dicit  Paulus  alio  loco,  nempe  8.  ad  Rom.  cap.  v*  24.  Quod  autem  speratur  non  videtur,  inquit.  Ergo  videmus  transitum  non  fieri  intempestive  a  doctrina  illa  quae  praecessit  de  salute  electi  populi  ad  ultimum  Christi  adventum.  Hoc  quantum  ad  contextum  pertinet.  Multos  autem  hic  ponit  pro  omnibus,  ut  certum  est.  Neque  haec  loquutio  debet  nobis  videri  absurda.  Non  enim  Rabbim  opponit  angelus  omnibus  vel  paucis,  sed  opponit  uni.  Quod  autem  ex  Iudaeis  quidam  ad  instaurationem  ecclesiae  hoc  trahunt,  quae  futura  est  secundum  ipsos  in  mundo,  prorsus  19