25:290  solum  quia  perpetui  fuerunt  hostes  Israelitis,  sed  quia  tunc  celeberrimae  erant  eorum  opes:  sicuti  paulo  post  videbimus.  Principium  gentium  Amalec,  ete.  Etsi  autem  longo  post  tempore  in  Israele  nemo  regnavit,  non  absurdum  est  tamen  regis  et  regni  nomine  publicum  statum  designari:  praesertim  quia  Deus  solidam  gratiae  suae  perfectionem  in  tempus  usque  regni  distulerat.  Quare  hoc  vaticinio  Balaam,  quamvis  nihil  tale  cogitans,  tempus  Davidis  com-  f  plexus  est.  Unde  sequitur  praedici  quae  nonnisi  in  Christo  fuerunt  completa,  in  quo  adoptio  fundata  erat.  Quod  sequitur  ante  expositum  fuit,  Deum  scilicet  populum  suum  liberando,  palam  fecisse  se  velle  ipsum  manere  salvum  et  incolumem,  idque  posse  praestare.  9.  Quisquis  benedixerit  tibi.  Haec  loquendi  forma  significat  ea  lege  electos  a  Deo  fuisse  Israelitas,  ut  sibi  impensum  referat  quidquid  illis  vel  iniuriae  illatum  vel  beneficii  collatum  fuerit.  Neque  vero  novum  est  ut  Deus  se  ecclesiae  suae  hostibus  fore  hostem,  et  rursus  amicis  se  fore  amicum  denunciet:  quod  signum  est  summi  favoris.  Hinc  autem  docemur  quaecunque  praestantur  ecclesiae  officia,  locari  apud  ipsum  Deum,  qui  fidelis  erit  remunerator,  et  simul  non  posse  laedi  fideles  quin  ultionem  suscipiat:  sicuti  dicit:  Qui  tangit  pupillam  oculi  mei  (Zach.  2,  8).  Si  quis  obiiciat,  Balaam  ipsum  mercede  caruisse,  quamvis  populo  benedixisset,  in  promptu  est  solutio,  nulla  laude  fuisse  dignum  qui  sponte  et  liberali  puroque  affectu  minime  propensus  fuit  in  favorem  populi,  sed  violenter  tractus  quo  nolebat.  Interea  manet  illud  fixum:  Quicunque  ad  ecclesiae  salutem  operam  suam  contulerint,  et  fidei  fuerint  eius  adiutores,  benedictionis  quae  hic  promittitur  certo  participes  fore.  EX  EODEM  CAPITE.  10.  Et  excanduit  furor  Balac  contra  Balaam,  et  percussit  manus  suas,  ac  dixit  ipsi  Balaam:  Ut  malediceres  inimicis  meis  vocavi  te,  et  ecce,  benedixisti  benedicendo  iam  tribus  vicibus,  ll.  Nunc  ergo  fuge  in  locum  tuum.  Dixeram:  Honorando  honorabo  te,  et  ecce,  privavit  te  Iehova  gloria.  12.  Cui  respondit  Balaam:  Annon  etiam  nunciis  tuis  quos  miseras  ad  me  loquutus  sum,  dicendo:  13.  Si  dederit  mihi  Balac  plenam  domum  suam  argento  et  auro,  non  potero  transgredi  sermmem  Iehovae,  ut  faciat  bonum  sive  malum  e  corde  meo  :  quod  loquetur  Iehova,  illud  loquar?  14.  Nunc  itaque  ecce,  ego  discedo  ad  populum  meum:  age,  consulam  tibi  quid  facturus  sit  populus  iste  populo  tuo  in  novissimis  diebus.  15.  Tunc  assumpsit  parabolam  suam,  et  dixit:  Dixit  19