10.1:290  tum  politiam,  submota  omni  vel  superstitione,  vel  tyrannide.  Sicut  et  honestas  caeremonias,  quae  ad  ordinem  conservandum  pertinent,  et  erudiendo  populo  sint  utiles,  a  singulis  esse  observandas  iudico  quo  magis  composite  omnia  gerantur.  Eas  autem  caeremonias,  quae  cum  honore  Dei,  vel  eius  doctrina  pugnant,  quales  sunt  quae  manifestam  habent  idololatriam,  omnino  abolendas  esse.  Haec  summa  est,  Caesar,  eius  religionis,  quam  semper  amplexus  sum,  et  nunc  quoque  [pag.  41]  retineo,  simul  etiam  coram  te  profiteor  sine  ulla  dissimulatione.  Ac  facile  quidem  tua  maiestas  iudicare  potest,  quam  simpliciter,  minime  vero  ambitiose  id  faciam.  Sicuti  sane  et  ille  unus  mihi  semper  propositus  scopus  fuit,  ut  magna  simplicitate  sequerer,  quo  timor  et  reverentia  Dei  mei  me  vocabat.  Ac  nunc  quidem  cum  Paulo  vere  profiteri  possum,  eo  tantum  nomine,  quod  sperem  m  Deum  viventem,  me  accusari.  Neque  enim  existimo,  superiorem  meam  confessionem,  quum  tota  pertineat  ad  gloriam  Dei,  vel  erroris  alicuius,  vel  blasphemiae  notari  posse.  Porro  evidentissimum  est,  in  toto  prope  christiano  orbe,  adeoque  ubi  mihi  vivendum  erat,  huius  doctrinae  puritatem  mire  esse  adulteratam.  Nam  et  merita  humana  adversus  Christi  gratiam  illic  superbe  efferuntur:  et  gratuita  peccatorum  remissio  satisfactionum  figmentis  evertitur:  et  iubetur  populus  de  sua  salute  perpetuo  dubitare,  et  fides  transformatur  in  opinionem:  et  loco  verae  poenitentiae,  quae  spirituali  renovatione  constat,  tantum  commendantur  externa  nescio  quae  corporis  exercitia.  Quum  ad  Christum  recta  mitti  debeant  homines,  ut  eius  ductu  ac  patrocinio  aditum  ad  patrem  habeant:  promiscue  ad  sanctos  [pag.  42]  ablegantur.  Unde  fit,  quod  etiam  pridem  iactatum  est  vulgari  proverbio,  ut  inter  apostolos  non  agnoscatur  Christus  ipse.  Praeterea  in  locum  divinae  legis  ingeruntur  stulta  hominum  commenta:  quasi  in  eorum  observatione  inclusus  Dei  cultus  foret.  Nec  auditur  illa  Christi  sententia:  frustra  se  homines  fatigare,  quum  Deum  colunt  secundum  humanas  traditiones.  Denique  tota  legitimi  cultus  vis  aboletur,  quod  Deum  externis  caeremoniis  placari  fingunt:  ac  interea  relinquitur  ac  secure  negligitur  spiritualis  veritas.  Tantundem  atque  etiam  aliquanto  plus  de  sacramentis  licet  asserere,  deque  universis  actionibus,  quae  decoro  et  ordini  servire  debuerant.  Nam  quod  est  in  sacramentis  praecipuum,  ut  intelligat  populus  quid  figurent,  quid  mysterii  contineant,  quorsum  sint  instituta,  id  totum  omittitur:  ac  sepulta  intelligentia  sacerdos  confusum  murmur  blatterat.  Quin  etiam  nefas  esse  ducunt  significationem  et  usum  toti  ecclesiae  palam  explicare.  Ita  fit,  ut  quum  manuducere  nos  ad  Christum  debeant  sacramenta,  et  admonere,  tam  peccatorum  remissionem  et  ple-  19