1:290  finem  sint  a  nobis  intelligendae,  tum  demum  assequimur,  dum  in  nos  ipsos  descendimus,  ac  consideramus  quibus  modis  suam  in  nobis  vitam,  sapientiam,  virtutem  Dominus  exserat,  suam  iustitiam,  bonitatem,  clementiam  erga  nos  exerceat.  16.  Atqui  quantacunque  claritate  et  se  et  immortale  suum  regnum  Dominus  in  operum  suorum  contemplatione  repraesentet,  qui  tamen  est  noster  stupor,  ad  tam  perspicuas  testificationes  caeci  semper  hebescimus.  Nam  quantum  ad  mundi  compositionem  attinet,  quotusquisque  est  nostrum,  qui,  dum  oculos  vel  in  coelum  attollit,  vel  per  regiones  terrae  varias  circumfert,  mentem  ad  creatoris  memoriam  referat,  ac  non  magis,  praeterito  autore,  in  operum  aspectu  desideat?  Quantum  vero  attinet  ad  ea  quae  praeter  naturalis  decursus  ordinem  quotidie  eveniunt,  quotusquisque  non  magis  reputat,  caeca  potius  fortunae  temeritate  rotari  et  volutari  homines,  quam  Dei  providentia  gubernari?  Quod  si  quando  istarum  rerum  ductu  ac  directione,  ad  Dei  considerationem  adigimur  (quod  omnibus  evenire  necessarium  est)  ubi  temere  divinitatis  alicuius  sensum  concepimus,  extemplo  ad  carnis  nostrae  deliria  delabimur,  ac  puram  Dei  veritatem  nostra  corrumpimus  vanitate.  In  eo  quidem  dissimiles,  quod  quisque  sibi  privatim  aliquid  peculiaris  erroris  accersit;  in  hoc  tamen  simillimi,  quod  ad  unum  omnes  ab  uno  vero  Deo  ad  prodigiosa  nugamenta  deficimus.  Quo  morbo  non  plebeia  modo  et  obtusiora  ingenia,  sed  praeclarissima,  et  singulari  alioqui  acumine  praedita,  implicantur.  Quam  prolixe  suam  in  hac  parte  stoliditatem  ac  insulsitatem  prodidit  tota  philosophorum  natio?  Nam,  ut  aliis  parcamus  qui  multo  absurdius  ineptiunt,  Plato  inter  omnes  religiosissimus  et  maxime  sobrius,  ipse  quoque  evanescit.  Quaerit  enim  corporeum  Deum  quod  divina  maiestate  alienissimum  indignissimumque  est.  1)  Et  quid  aliis  non  eveniret,  quum  ita  primores,  quorum  erat  reliquis  praelucere,  hallucinentur  et  impingant?  Similiter  ubi  rerum  humanarum  gubernatio  providentiam  manifestius  arguit,  quam  ut  abnegari  queat,  nihilo  tamen  inde  plus  proficitur,  quam  si  temeraria  fortunae  volubilitate  2)  crederentur  omnia  sursum  deorsum  versari:  tanta  est  nostra  in  vanitatem  et  errorem  propensio.  De  excellentissimis  semper  loquor,  non  vulgaribus  illis,  quorum  in  profananda  Dei  veritate  processit  in  immensum  insania.  17.  Ergo  frustra  nobis  in  mundi  opificio  collucent  tot  accensae  lampades,  ad  illustrandam  autoris  gloriam:  quae  sic  nos  undique  irradiant,  ut  tamen  in  rectam  viam  per  se  nequaquam  possint  perducere.  Et  scintillas  certe  quasdam  excitant;  1)  Hunc  versum:  Quaerit  etc.  delent  1550  et  seqq.  2)  voluntate  1543  et  seqq.  19