7:29  29  CUM  ANTIDOTO.  30  datur,  tunc  quemque  accipere,  quum  moritur,  si  ea  dignus  est.1)  Verum,  quum  in  nullius  hominis  arbitrio  sit  statuere  de  animis  mortuorum,  nihil  tutius  est,  quam  unum  Deum  de  ipsarum  statu  audire  loquentem,  cuius  ipse  potestatem  habet.  Quando  autem  scriptura  beatos  esse  mortuos  testatur,  qui  in  Domino  moriuntur,  quia  requiem  exinde  a  laboribus  suis  habeant;  quando  consolationem  eas  recipere  docet;  vivere  eum  Christo,  et  frui  Dei  praesentia  (Apoc.  14,  13;  Luc.  16,  25;  Phil.  1,  23;  2  Cor.  5,  8):  in  hac  doctrina,  quae  nihil  habet  controversiae,  pedem  figamus.  Architectura  vero  purgatorii  tantum  habeat  firmitudinis,  quantum  habere  potest,  quod  de  rebus  incognitis  fabrefactum  est  in  hominis  cerebro,  extra  verbum  Dei.  Orationes  certe,  quibus  iuvare  eas  vulgo  student,  quum  nullo  praecepto  Dei,  nulla  etiam  promissione  fulciantur,  fundamentum  illud  fidei,  quod  requirit  Paulus  in  precibus  fidelium,  non  habent  (Rom.  10,  14).  Nihil  nobis  diligentius  praecipitur  in  scripturis,  quam  ut  omnia  caritatis  officia  erga  vivos  exerceamus.  De  iuvandis  mortuis,  nulla  mentio.  Huc  accedit,  quod  ne  unum  quidem  exemplum  exstat:  quum  tamen  multorum  sepulturas  scriptura  commemoret:2)  quorundam  etiam  exsequias  referat,  longo  sermone.  Porro  non  est  credibile  quod  fuisset  praecipui  momenti,  spiritum  Dei  omisisse,  quum  leviuscula  illa  recenseret  ARTICULUS  XVIII.  De  ecclesia  et  eius  autoritate.  Tenetur  et  quilibet  Christianus  firmiter  credere,  unam  esse  in  terris  universalem  ecclesiam  visibilem,  in  fide  et  moribus  errare  non  valentem:  cui  omnes  fideles,  in  iis  quae  sunt  fidei  et  morum,  obedire  astringuntur.  Probatur  sic,  quod  ecclesia  possit  videri:  Quia  hierarchia  est  signum  infallibile  ipsius.  Ea  est3)  autem  omni  tempore  visibilis.  Ergo  ecclesia  etiam  videtur.  Quod  autem  non  possit  separari  ecclesia  a  hierarchia,  ego  sumo  tanquam  unum  ex  principiis  fidei.  Probatur  secundo,  ex  perpetua  successione.  Perpetua  autem  successio  a  tempore  apostolorum  nota  est,  ex  catalogo  paparum,  quem  refert  Platina.  Quod  autem  variant  doctores,  in  secundo  successore  Petri,  quoniam  alii  Clementem,  alii  Linum  ponunt,  quum  hic  error  sit  in  individuo,  non  impedit  certi-  1)  August,  in  Enchir,  ad  Laurent,  cap.  68.  Idem  in  eodem  libro  cap.  seq.;  Homil,  in  Ioann.  49.  2)  In  historia  veteris  testamenti  praesertim  in  libris  Mosis  et  libris  Regum.  3)  Sic  legendum  cum  Amst.  Caeterae  habent:  Et  est.