58:29  29  DE  IACOB  ET  ESAU.  30  il  que  tousiours  nous  attendions  par  foy  ce  qui  n'apparoist  pas,  et  qui  est  comme  eslongne  de  nous,  et  qui  semble  estre  impossible.  Au  reste  quand  nous  serons  ainsi  fondez  et  appuiez  sur  la  verite  de  Dieu,  et  que  nous  souffrirons  d'estre  affligez  par  beaucoup  de  povretez,  que  cependant  nous  ayons  ce  soing  et  ce  zele,  de  le  prier  et  invoquer  soir  et  matin,  et  recourir  a  lui:  car  c'est  nostre  seul  allegement.  Ainsi  donc  ce  n'est  pas  une  chose  qu'il  nous  faille  passer  de  leger,  quand  Moyse  recite  qu'Isaac  a  prie  Dieu  pour  la  sterilite  de  sa  femme,  et  que  Dieu  l'a  exauce.  Car  d'un  coste  nous  voions  la  perseverance  qu'a  eu  Isaac  a  se  fier  en  Dieu  et  a  le  requerir  :  nons  voions  d'autre  coste,  que  Dieu  n'a  point  este  sourd  a  ses  requestes:  mais  ce  n'est  pas  que  cela  se  soit  monstre  du  premier  coup.  Car  on  eust  dit  qu'Isaac  s'abusoit  de  recourir  ainsi  a  Dieu,  soir  et  matin,  et  qu'il  eust  mieux  vallu  qu'il  eust  tout  quitte:  mais  au  bout  de  vingt  ans,  Dieu  vient  soudain,  afin  de  monstrer  que  les  hommes  sont  trop  hastifs  et  precipitans  en  leurs  souhaits:  et  que  voila  qui  est  cause  que  souvent  son  Nom  est  blaspheme,  et  que  on  l'accusera  de  ce  qu'il  ne  besongne  point  a  nostre  fantasie:  cela  d  i-ie,  procede  d'impatience.  Or  cependant  nous  avons  aussi  a  noter  qu'Isaac  a  cogneu  que  c'estoit  un  benefice  de  Dieu,  que  de  donner  lignee.  En  general  quand  Dieu  a  prononce  (Genese  1,  28),  Croissez  et  multipliez,  selon  que  nous  l'avons  veu  :  c'est  pour  monstrer,  que  ni  les  hommes,  ni  les  bestes,  ne  produisent  point  lignee,  sinon  par  sa  vertu  :  que  nous  ne  pensions  pas  que  cela  avienne  par  cas  fortuit.  Si  donc  les  taureaux,  les  chevaux  et  les  asnes  ne  peuvent  engendrer  sans  que  Dieu  desploie  sa  benediction  et  vertu  secrette,  que  sera-ce  des  hommes?  Car  nous  sommes  creatures  beaucoup  plus  nobles,  d'autant  que  Dieu  nous  a  formez  a  son  image.  Ainsi  quand  nous  voions  que  et  hommes  et  bestes  se  multiplient  par  generation,  la  il  nous  faut  reduire  en  memoire,  que  c'est  ceste  parole,  qui  est  sortie  un  coup  de  la  bouche  de  Dieu,  Croissez  et  multipliez,  qui  se  demonstre  encore  auiourd'hui;  mais  il  faut  passer  encore  plus  avant:  c'est  assavoir,  que  Dieu  retient  ceste  benediction  et  ceste  liberalite,  pour  la  distribuer  comme  bon  lui  semble.  Car  nous  ne  voions  pas  que  tous  engendrent  egalement:  les  uns  n'auront  point  d'enfans,  les  autres  en  auront  un  ou  deux,  et  les  autres  par  douzaines.  Ainsi  donc,  quand  nous  voions  une  telle  inequalite,  il  faut  cognoistre  que  c'est  un  benefice  special  de  Dieu,  que  lignee:  comme  aussi  il  est  notamment  dit  au  Pseaume  (127,  3),  que  le  fruit  du  ventre  (car  l'escriture  parle  ainsi)  est  un  guerdon  de  Dieu.  Et  ainsi  qu'il  faut  en  cest  endroit  recourir  a  lui.  Et  pourtant,  ceux  qui  appetent  tant  d'avoir  des  enfans,  doivent  suivre  quant  et  quant  l'exemple  d'Isaac.  Car  ils  diront  bien,  O,  ie  voudroie  avoir  des  enfans  :  mais  de  penser  a  Dieu,