54:29  29  SUR  LA  SECONDE  A  TIMOTHEE.  30  que  c'estoit  un  horreur:  il  n'y  avoit  plus  nulle  crainte  de  Dieu  au  commun  peuple,  ie  di  entre  les  Iuifs:  et  la  doctrine  estoit  tellement  meslee  des  corruptions  inventees  des  hommes,  que  c'estoit  pitie:  mais  tant  y  a  que  Dieu  avoit  reserve  quelque  petite  semence.  Voila  pourquoy  i'ay  dit  que  c'est  une  grande  louange  que  sainct  Paul  attribue  a  ces  femmes,  de  ce  qu'elles  ont  chemine  entre  les  espines,  et  n'en  ont  point  este  picquees,  qu'elles  se  sont  tousiours  maintenues  en  simplicite,  et  en  la  crainte  de  Dieu.  Comme  aussi  nous  voyons  en  l'Evangile  qu'il  est  dit,  Cest  homme  attendoit  le  royaume  de  Dieu.  Ce  mot  n'est  mis  que  deux  ou  trois  fois:  et  pourquoy?  Car  ce  n'est  point  un  titre  qui  soit  commun,  que  d'attendre  le  Royaume  de  Dieu.  C'est  a  dire,  que  ceux  qui  esperoyent  que  Dieu  envoyeroit  nostre  Seigneur  Iesus  Christ,  pour  Redempteur,  qu'il  restaureroit  les  choses  confuses  au  monde,  il  est  dit  que  ceux-la.  ont  attendu  le  Royaume  de  Dieu.  Et  pourtant  ils  ont  este  comme  separez  du  rang  des  autres:  et  comme  le  nombre  en  estoit  bien  petit,  la  louange  qui  leur  est  attribuee  nous  doit  servir  d'instruction.  Il  est  vray  qu'auiourduy  l'Evangile  resonne,  nous  entendons  sa  voix  haut  et  clair  :  mais  cependant  nous  voyons  qu'il  y  en  a  bien  peu  qui  adorent  Dieu  purement,  nous  voyons  la  rebellion  et  malice  obstinee  qui  est  en  la  plus  part,  tellement  que  ceux  ausquels  l'Evangile  se  presche,  s'aigrissent  a  l'encontre  de  Dieu,  et  se  manifestent  luy  estre  contraires  plus  que  ne  font  point  les  Papistes:  nous  voyons  cela  a  l'oeil.  Et  cependant  en  la  Papaute,  qu'est-ce?  quelles  confusions  y  a-il?  Nous  avons  donc  mestier  de  retenir  ce  qui  est  ici  dit,  que  la  foy  n'a  pas  laisse  d'habiter  en  d'aucuns,  tellement  qu'ils  n'ont  point  este  esperdus:  combien  qu'il  y  eust  desolation  par  tout,  si  est-ce  qu'ils  ont  espere  en  Dieu  patiemment:  et  ce  ne  sont  point  les  hommes  qui  sont  ici  louez,  car  il  n'est  point  ici  parle  des  docteurs,  mais  des  femmes.  Quand  cela  est  dit,  fortifions-nous,  et  quand  nous  verrons  tout  le  monde  estre  transporte  comme  d'un  deluge,  que  nous  apprenions  de  nous  recueillir,  et  nous  retirer  de  nos  corruptions,  car  sans  cela  nous  ne  pourrons  avoir  la  foy  a  laquelle  il  nous  faut  donner  logis  en  nous,  comme  il  en  est  ici  parle,  que  la  foy  a  habite  en  la  mere-grand  de  Timothee,  et  en  sa  mere.  Ainsi  donc  donnons  logis  a  npstre  Dieu,  et  a  sa  parole,  afin  que  la  foy  habite  en  nous,  encores  que  nous  voyons  qu'elle  soit  dechassee  de  tout  le  monde,  et  comme  bannie.  Et  au  reste,  pour  conclusion,  notons  que  si  ces  femmes  du  temps  des  tenebres,  du  temps  que  tout  estoit  mesle  en  Iudee,  n'ont  pas  laisse  d'adherer  a  la  foy  de  Dieu,  et  qu'elles  ayent  eu  une  affection  telle  que  sainct  Paul  approuve  ici,  qu'il  y  aura  une  horrible  vengence  sur  tous  ceux  qui  persistent  en  leur  incredulite,  combien  que  Dieu