53:29  29  SUR  LA  PREMIERE  A  TIMOTHEE.  30  contre  ceux  qui  mettoyent  en  avant  la  Loy  de  Moyse,  voire  comme  si  l'Evangile  eust  este  contraire  a  ce  que  Moyse  avoit  enseigne.  Il  est  vray  qu'ils  ne  le  disoyent  pas  ouvertement:  car  ceux  dont  parle  ici  sainct  Paul,  n'estoyent  pas  des  Iuifs  obstinez,  qui  eussent  en  detestation  le  nom  de  nostre  Seigneur  Iesus  Christ,  et  qui  condamnassent  la  foy  chrestienne:  mais  c'estoyent  gens  doubles,  qui  faisoyent  bien  protestation  de  vouloir  tenir  l'Evangile  mais  tant  y  a  qu'ils  faisoyent  un  meslinge  pour  tout  desguiser  et  corrompre.  Cependant  comme  sainct  Paul  en  parle,  ils  vouloyent  estre  veus  et  reputez  docteurs  de  la  Loy.  Et  ainsi  quand  nous  verrons  qu'il  y  en  a  qui  abusent  ainsi  de  l'Escriture  saincte,  que  nous  ne  soyons  point  troublez  outre  mesure  d'un  tel  scandale.  Car  nous  ne  devons  point  trouver  nouveau  ce  qui  a  este  de  tout  temps,  et  que  les  fideles  ont  prattique.  Ceux  qui  estoyent  du  temps  de  sainct  Paul,  se  sont-ils  desbauchez  voyans  les  troubles  que  pour  lors  le  diable  avoit  suscitez?  Ceste  couverture  a-elle  este  cause  qu'ils  ayent  quitte  l'Evangile?  Nenni:  ils  ont  persiste  constamment.  Ainsi  nous  en  faut-il  faire:  car  nostre  foy  ne  peut  et  ne  doit  estre  sans  combat.  Au  reste,  notons  que  le  diable  ne  pourra  iamais  seduire  ceux  qui  sont  attentifs  a  bien  discerner.  Et  voila,  pourquoy  sainct  Iean  nous  exhorte  d'esprouver  les  esprits:  mais  cela  se  feroit  en  vain,  si  Dieu  ne  nous  donnoit  un  certain  moyen  et  infallible.  Il  ne  tient  donc  qu'a  nostre  nonchalance  que  nous  ne  demeurons  fermes  en  la  pure  verite,  quand  nous  voyons  beaucoup  de  sectes  et  d'opinions  diverses.  Car  Dieu  ne  nous  a  point  frustrez,  en  nous  disant  que  si  nous  examinons  les  esprits,  nous  cognoistrons  ceux  qui  qui  sont  envoyez,  et  ceux  qui  courent  d'eux-mesmes,  et  de  leur  fantasie.  Revenons  maintenant  a  ce  que  dit  sainct  Paul.  Il  monstre  quelle  est  la  fin  de  la  Loy:  et  c'est  un  advertissement  qui  nous  pourra  servir  en  toutes  les  difficultez  que  nous  aurons.  Car  si  les  hommes  nous  veulent  barbouiller  de  leurs  inventions,  nous  pourrons  voir  a  quoy  Dieu  a  pretendu,  et  quel  est  son  conseil  et  sa  volonte.  En  cela  nous  ne  pourrons  faillir.  Et  c'est  le  remede  que  donne  maintenant  sainct  Paul  contre  toutes  ces  curiositez  dont  il  a  fait  mention  ci-dessus.  Car  ceux  dont  il  parle,  avoyent  beaucoup  de  questions  frivoles,  et  qui  ne  pouvoyent  nullement  edifier:  quand  on  s'y  estoit  bien  tourmente,  il,  n'y  avoit  nul  fruict,  et  mesme  nulle  certitude.  Mais  encores  qu'on  n'en  peust  estre  resolu,  c'estoit  une  cognoissance  vaine,  et  qui  n'apportoit  nulle  instruction.  .Sainct  Paul  pour  corriger  un  tel  vice,  dit,  Voici  la  fin  de  la  Loy.  Comme  s'il  declaroit  que  Dieu  n'a  point  donne  sa  Loy  pour  mettre  la  une  doctrine  incertaine,  et  qu'un  chacun  vague,  que  nous  facions  de  longs  cir-