51:29  29  SUR  L'EPITRE  AUX  GALATES.  30  iustice,  qua  neantmoins  le  diable  aura  des  cordeaux,  pour  nous  tirer  de  coste  et  d'autre.  Apres  il  nous  estonnera  en  telle  sorte  que  tousiours  les  desirs  charnels  seront  pour  nous  empescher,  et  non  seule*  ment  cela:  mais  aussi  il  nous  fera  tirer  tout  a  l?opposite:  quand  Dieu  nous  appellera  d'un  coste,  que  nous  serons  transportez  d'une  furie  tout  au  contraire.  Or  puis  que  la  chair  desire  ainsi  contre  l'Esprit,  avisons  de  batailler  vertueusement,  et  que  cela  ne  nous  soit  point  grief,  encores  que  nous  devions  souhaiter  d'estre  comme  Anges,  qu'il  n'y  eust  nul  contredit,  que  tout  ce  que  nous  avons  de  faculte  fust  employe  au  service  de  Dieu,  toutesfois  si  nous  sommes  empeschez  souvent  a  bien  faire,  que  nous  apprenions  a  nous  forcer  nous-mesmes,  et  a  nous  captiver,  et  combien  que  cela  nous  vienne  bien  a.  regret:  neantmoins  que  nous  marchions  plus  outre,  afin  que  Dieu  le  gagne  par  dessus  nous.  Que  nous  apprenions  a  nous  hayr  nous-mesmes,  et  a  estre  faschez  contre  nous,  a  nous  venger  de  nostre  malice  (comme  sainct  Paul  aussi  en  parle),  car  la  penitence  emporte  cela  que  les  hommes  se  condamnent,  qu'ils  se  haissent,  qu'ils  se  vengent  d'eux  mesmes  quand  ils  voyent  qu'ils  sont  corrompus  en  toute  leur  vie,  qu'ils  exercent  une  saincte  colere  la  dedans,  au  lieu  que  nous  appetons  vengeance  de  nos  ennemis  quand  ils  nous  ont  fait  quelque  mal,  que  nous  soyons  eschauffez  en  nous  mesmes  et  colerez,  voire  pour  nous  venger  de  nos  vices,  quand  nous  ne  pouvons  pas  nous  conformer  a  la  volonte  de  Dieu.  Or  pour  ce  que  nous  pourrions  estre  si  esperdus,  et  qu'un  chacun  repliqueroit,  Helas,  comment  pourrion8-nous  ainsi  batailler?  Ou  est  nostre  vertu?  Oar  il  n'y  a  en  nous  que  faiblesse.  Et  puis  nous  voyons  que  le  diable  est  un  ennemi  si  fort  et  si  robuste  que  nous  n'en  pourrions  venir  a  bout,  nos  cupiditez  sont  comme  bestes  furieuses,  il  n'y  a  ni  raison  ni  mesure  ni  attrempance  aucune.  Puis  qu'ainsi  est  donc  nous  voila  comme  vaincus,  voire  devant  qu'avoir  soustenu  un  seul  coup.  S.  Paul  dit  que  l'Esprit  aussi  desire  contre  la  chair,  c'est  a  dire  que  si  nous  sommes  incitez  a  mal  de  nostre  nature,  et  que  le  diable  nous  y  pousse,  que  tant  plus  vertueusement  nous  faut-il  resister  a  toutes  ces  tentations  desquelles  nous  sommes  piquez  et  aiguillonnez.  Et  en  cela  il  y  a  bon  remede.  Car  qui  est  ce  qui  gagnera?  Qui  aura  la  victoire  et  maistrise?  Sera-ce  la  corruption  qui  est  en  nous,  ou  bien  la  vertu  de  Dieu?  Quand  donc  Dieu  voudra  desployer  la  grace  de  son  sainct  Esprit,  il  sera  tousiours  le  plus  fort  et  gagnera  le  combat,  quelque  difficulte  qu'il  y  ait.  Ainsi  donc  faisons  cest  honneur  a  Dieu,  de  nous  fier  qu'il  nous  soustiendra,  et  nous  fera  gagner  la  bataille,  et  marchons  hardiment  dessous  son  en-