48:29  29  CAPUT  IL  30  templi  utilitas,  interea  tamen  obiter  admonet  apud  quos  proficiant,  et  quibus  prosint  miracula,  quibus  Dominus  potentiam  suam  declarat.  Nam  impii  et  profani  homines  vel  rident  vel  non  curant,  quemadmodum  statim  videbimus.  Praeterea,  eos  voluit  citare  testes,  quibus  ob  suam  religionem  habeatur  plus  fidei.  Quum  dixit  ex  omni  g  e  n  t  e  ,  intelligit  ex  diversis  regionibus  et  longe  inter  se  dissitis.  Nam  et  postea  terras  commemorat  quae  ingenti  spatio  distabant,  cuiusmodi  sunt  Lybie  et  Pontus,  Roma  et  Parthia  atque  Arabia  et  similes.  Hoc  ad  augendam  rei  magnitudinem  valet.  Nam  Cretenses  et  Asiatici  propter  viciniam  poterant  habere  aliquod  linguae  commercium  :  at  non  eadem  ratio  inter  Italos  et  Cappadoces,  inter  Arabes  et  Ponticos.  Fuit  autem  memorabile  hoc  Dei  opus  et  summa  admiratione  dignum,  quod  in  tam  vasta  et  horrenda  populi  dissipatione,  nonnullas  tamen  reliquias  ubique  servavit,  imo  fecit  ut  populo  tam  afflicto  et  quasi  perdito  quidam  alieni  se  adiungerent.  Tametsi  enim  huc  et  illuc  in  longinquum  exilium  dispulsi,  diversi  diversos  quodammodo  mundos  incolebant,  inter  se  nihilominus  tenebant  fidei  unitatem.  Neque  enim  eos  temere  pios  et  Dei  timentes  nominat.  6.  Vulgato  hoc  rumore.  Graece  quidem  ita  Lucas  dicit:  Facta  hac  voce:  sed  intelligit  sparsam  fuisse  famam,  qua  factum  est  ut  multi  simul  confluerent.  Nam  si  alius  post  alium  diverso  loco  et  tempore  loquentes  audisset  diversis  linguis  apostolos,  non  ita  illustre  fuisset  miraculum.  Conveniunt  ergo  in  unum  locum  omnes,  ut  linguarum  diversitas  ex  praesenti  comparatione  melius  appareat.  Accedit  et  altera  circumstantia,  quod  vulgo  nota  est  patria  apostolorum,  et  vulgo  hoc  notum  est,  nunquam  fuisse  ex  patria  egressos,  ut  peregrinas  linguas  discere  potuerint.  Quum  ergo  indiscriminatim,  prout  tulit  occasio,  alius  latine,  alius  graece,  alius  arabice  loquitur,  et  singuli  etiam  linguas  variant,  hinc  magis  conspicuum  redditur  opus  Dei.  l  l  .  Magnifica  Dei.  Duo  notat  Lucas,  quae  auditoribus  admirationem  fecerunt:  quod  apostoli  rudes  prius  idiotae  nati  in  contempto  angulo  magnifice  tamen  de  rebus  divinis  et  coelesti  sapientia  dissererent.  Alterum  quod  novis  linguis  subito  essent  donati.  Utrumque  notatu  dignum,  quia  temere  et  futiliter  verba  fundere  non  tam  valuisset  ad  permovendos  animos:  rerum  vero  maiestas  magis  afficere  debuit  ad  miraculum  considerandum.  Etsi  autem  in  eo  tribuunt  debitum  Deo  honwem,  ubi  attoniti  haerent:  praecipuus  tamen  exprimitur  miraculi  fructus,  quod  inquirunt:  atque  ita  ostendunt,  se  ad  discendum  paratos  esse:  nam  stupor  alioqui  non  multum  profuisset.  Et  sane  ita  cum  stupore  admirari  Dei  opera  convenit,  ut  simul  accedat  consideratio,  et  intelligendi  studium.