46:29  29  SERMON  III.  30  rudes,  que  nous  cognoissions  que  nous  avons  tresmal  profite  en  l'eschole  de  Dieu:  et  prions-le  qu'il  nous  esclaire  tellement  par  son  8.  Esprit,  que  nous  apprehendons  que  c'est  de  sa  grandeur  infinie.  Et  que  d'autre  coste  nous  cognoissions  quels  nous  sommes,  quel  est  nostre  estat  et  condition  :  et  que  la  dessus  nous  soyons  duits  et  faconnez  pour  recevoir  la  parole  de  Dieu  en  telle  humilite  qu'il  appartient,  et  nous  assuietir  du  tout  a  luy,  et  de  trembler  quand  il  parle.  Voire,  non  pas  que  ceste  crainte-la  ou  frayeur  nous  doyve  faire  reculer  de  luy:  mais  afin  que  nous  soyons  tant  mieux  disposez  a  l'escouter:  cognoissans  que  si  nous  sommes  desnuez  de  tout  bien,  il  est  prest  de  nous  en  eslargir:  et  que  si  nous  ne  cognoissons  en  nous  raison  pour  laquelle  il  se  manifeste  a  nous,  il  ne  veut  pas  neantmoins  que  nous  venions  devant  son  siege  iudiciai,  pour  estre  appelez  a  conte:  mais  qu'il  ha  un  giron  paternel,  pour  nous  recevoir,  et  nous  embrasser,  et  nous  monstrer  qu'il  n'y  a  en  luy  que  toute  douceur  et  humanite.  Et  c'est  ce  que  S.  Luc  adiouste,  que  V  Ange  a  dit  a  Zacharie,  Ne  crain  pas:  car  ta  priere  a  este  exaucee.  Nons  voyons  donc,  que  Dieu  n'a  point  voulu  laisser  son  serviteur  Zacharie  en  perplexite  et  angoisse,  mais  seulement  qu'il  s'est  fait  ouverture,  et  s'est  donne  acces,  afin  que  Zacharie  receust  la  promesse  qui  luy  devoit  estre  donnee,  comme  procedante  de  celuy  qui  ne  peut  mentir,  et  qui  est  la  verite,  et  aussi  qu'il  s'assuietist  a  luy  en  toute  reverence.  Or  notons  bien  quand  il  dit,  Ne  crain  pas:  car  ta  priere  a  este  exaucee:  que  c'est  une  raison  que  l'Ange  ameine,  pour  delivrer  Zacharie  de  ceste  frayeur  et  destresse  en  laquelle  il  estoit:  c'est  ascavoir  que  Dieu  luy  estoit  propice.  Ainsi  quand  nous  avons  cela,  que  Dieu  nous  aime,  qu'il  nous  est  favorable,  voyla  toute  crainte  qui  est  facilement  deschassee  de  nous.  Non  pas  que  nous  n'ayons  quelque  crainte.  Et  aussi  ce  n'a  pas  este  l'intention  de  l'Ange  de  dire  que  Zacharie  ne  devroit  nullement  craindre:  mais  il  a  voulu  moderer  ceste  crainte-la,  et  l'addoucir  en  sorte  qu%il  fust  capable  d'ouyr  paisiblement  ce  qui  luy  devoit  estre  annonce.  Notons  bien  donc  que  nous  ne  pouvons  pas  estre  vuides  de  toute  crainte.  Encores  que  Dieu  nous  testifie  qu'il  sera  nostre  pere,  et  qu'il  nous  propose  sa  grace  si  doucement  que  rien  plus,  encores  est-il  impossible  que  nous  ne  le  craignions.  Car  il  nous  faut  tousiours  prattiquer  ce  qui  est  dit  au  Pseaume  cinquieme,  Encores  t'adorerons-nous  en  ton  temple  en  la  multitude  de  ta  bonte:  c'est  a  dire,  Nous  prendrons  hardiesse  d'approcher  de  toy,  et  nous  presenter  devant  ta  face,  cognoissans  que  tu  nous  veux  estre  pitoyable:  ayans  aussi  experimente  les  graces  que  nous  avons  receues  de  toy,  nous  aurons  une  droite  confiance.  Mais  il  est  dit  quant  et  quant,