45:29  29  LUC.  I.  30  eius  sine  poenitentia  est.  Corpus  quidem  populi  in  speciem  resectum  est,  sed  meminisse  debemus  mysterii,  de  quo  disserit  Paulus  ad  Rom.  l  l  ,  25.  Tandem  futurum  scilicet,  ut  Deus  aliquos  ex  Iudaeis  ex  dissipatione  colligat.  Interim  ecclesia,  quae  per  totum  orbem  sparsa  est,  spiritualis  est  domus  Iacob,  quando  originem  suam  ex  Sione  duxit.  In  aeternum.  Admonet  angelus,  quo  sensu  toties  apud  prophetas  promissa  fuerit  perpetuitas  regno  Davidis.  Huius  tantum  et  Salomonis  aetate  floruerat  potentia  et  opibus,  Rehabeam  tertius  successor  vix  tribum  unam  et  dimidiam  retinuit.  Ex  eo  non  destitit  variis  cladibus  concuti,  donec  tandem  concideret.  Nunc  angelus  declarat,  ubi  stabilitum  fuerit  in  Christi  persona,  excidio  non  fore  obnoxium,  et  ad  eam  rem  asserendam  verba  Danielis  usurpat,  quae  habentur  capite  7,  14,  Huius  regni  nullum  fore  finem.  Caeterum  etsi  verborum  sensus  est,  Deum  regni  Christi  et  ecclesiae  aeternum  fore  praesidem  ac  custodem,  ut  nunquam  intereat  in  terra,  quamdiu  sol  et  luna  in  coelo  fulgebunt,  vera  tamen  perpetuitas  ad  futuram  gloriam  pertinet.  Sic  ergo  continua  serie  fideles  alii  aliis  in  hac  vita  succedunt,  ut  demum  colligendi  sint  simul  in  coelum,  ubi  sine  fine  regnabunt.  LUC.  I.  34.  Dixit  autem  Maria  ad  angelum,  Quomodo  erit  istud?  quandoquidem  virum  non  cognosco.  35.  Et  respondens  angelus  dixit  ei,  Spiritus  sanctus  superveniet  in  te,  et  virtus  altissimi  obumbrabit  tibi:  quapropter  et  quod  nascetur  sanctum,  vocabitur  filius  Dei.  36.  Atque  ecce  Elisabeth  cognata  tua,  et  ipsa  concepit  filium  in  senectute  sua,  et  hic  sextus  mensis  est  illi,  quae  dicebatur  sterilis  :  37.  Quia  non  erit  impossibile  apud  Deum  omne  verbum.  38.  Dixit  autem  Maria,  Ecce  ancilla  Domini,  fiat  mihi  secundum  verbum  tuum.  Ac  discessit  ab  illa  angelus.  34.  Quomodo  erit  istud?  Videtur  sancta  virgo  non  minus  maligne  restringere  Dei  potentiam  quam  prius  Zacharias.  Quod  enim  praeter  communem  naturae  ordinem  est,  impossibile  esse  colligit.  Sic  enim  ratiocinatur,  Virum  non  cognosco:  qui  credam  igitur  futurum  quod  nuntias?  Nec  vero  magnopere  laborandum  est,  ut  eam  purgemus  ab  omni  vitio:  fide  enim  statim  transcendere  debuit  ad  immensam  Dei  virtutem,  quae  minime  alligata  est  naturalibus  mediis,  sed  totum  mundum  superat:  nunc  autem  in  vulgari  generationis  modo  subsistit.  Quanquam  sciendum  est,  non  ita  dubitare  vel  sciscitari,  ut  sensibus  suis  Dei  potentiam  vel  subiicere  vel  aequare  velit:  tantum  subita  admiratione  perculsa  ad  movendam  hanc  quaestionem  rapitur.  Quod  autem  obedienter  amplexa  sit  promissionem,  hinc