43:29  29  CAPUT  IL  30  Ergo  vocantur  eorum  posteri.  Sed  propheta  hic  non  tam  aspere  loquitur:  tantum  exprobrat  Israelitis,  quod  nihil  ab  Amorrhaeis  differant,  quos  tamen  sciebant  esse  deletos,  ut  subrogarentur  in  eorum  locum,  et  succederent  in  haereditatem.  Iam  additur,  Amorrhaeos  suisse  procerae  staturae  :  deinde,  robustos  homines.  His  verbis  significat  propheta  non  fuisse  devictos  Amorrhaeos  virtute  populi,  sed  admirabili  Dei  potentia.  Scimus  enim  fuisse  populo  Israel  formidabiles,  quia  similes  erant  gigantibus.  Ergo  de  altitudine  et  de  virtute  hic  propheta  loquitur,  ut  reputent  filii  Israel  se  non  fuisse  superiores  proprio  marte,  sed  sibi  datam  fuisse  terram  illam  miraculo,  quia  negotium  illis  erat  cum  gigantibus,  quos  vix  ausi  fuissent  intueri.  Prostravit  ergo  Deus  cedros  et  quercus  coram  populo  suo.  Hinc  colligimus  Israelitas  non  posse  gloriari  in  sua  virtute  quasi  terram  occupaverint,  quod  iure  belli  eiecerint  hostes  suos:  quandoquidem  hoc  factum  fuit  singulari  Dei  beneficio.  Neque  enim  poterant  congredi  cum  suis  hostibus,  nisi  impletum  fuisset  quod  toties  Dominus  praedixerat,  Vobis  quiescentibus  ego  pugnabo  (Exod.  14,  14).  Nunc  ergo  tenemus  consilium  prophetae.  Atqui  hinc  rursus  colligimus  populum  Israel  non  occupasse  terram  quod  praestantior  esset  Amorrhaeis  vetustis  possessoribus:  sed  quoniam  ita  placuit  Deo.  Non  est  igitur  cur  superbiat  populus  Israel  aliqua  excellentia.  Hinc  apparet  bis  et  ter  ingratos  esse  Deo,  qui  non  cogitent  tam  insigne  beneficium  sibi  fuisse  praestitum,  Dicit  fuisse  perditum  fructum  superne  et  radicem  subtus.  Hic  per  metaphoram  Deus  amplificat  quod  prius  dixit,  nempe  deletos  fuisse  Amorrhaeos,  ita  ut  nihil  fuerit  residuum:  delevi,  inquit,  vel  perdidi  radicem  subtus,  et  fructum  superne,  hoc  est,  prorsus  exstinxi  ipsum  nomen  gentis.  Atqui  non  meliores  erant  Israelitae  quum  hoc  modo  perditi  sunt  Amorrhaei:  dum  autem  succedunt  in  eorum  locum,  et  simul  manent  similes,  hoc  est  prorsus  inexcusabile.  Quo  igitur  severior  fuit  Dei  vindicta  contra  Amorrhaeos,  eo  debebant  magis  extollere  eius  gratiam  Israelitae.  Ubi  autem  clausis  oculis  praetereunt  tam  insigne  testimonium  paterni  Dei  amoris,  apparet  esse  plus  quam  malignos  et  ingratos.  Postea  subiicit,  Ego  adscendere  vos  feci  e  terra  Aegypti,  ambulare  vos  feci  in  deserto  per  40  annos  ad  possidendam  terram  Amorrhaei.  Circumstantiae  quae  hic  notantur  referri  debent  ad  eundum  scopum,  quod  scilicet  mirabiliter  Deus  populum  illum  redemerit.  Scimus  homines  extenuare  Dei  beneficia  ut  plurimum:  imo  est  hic  morbus  quasi  nobis  ingenitus.  Haec  ratio  est  cur  propheta  pluribus  elogiis  describat,  et  commendet  redemptionem  populi.  Nunc  ergo  dicit  eductos  fuisse  e  terra  Aegypti.  Debebant  autem  memoria  tenere  qualis  fuisset  sua  conditio  in  Aegypto.  Nam  illic  miserrime  premebantur.  Quum