42:29  29  SUR  LE  XI  CHAP.  DE  DANIEL.  de  sa  foy,  on  venoit  sacrifier,  quand  on  vouloit  rendre  action  de  graces  des  benefices  qu'on  avoit  receus  de  la  main  de  Dieu,  il  faloit  que  le  sacrifice  fust  adiouste:  voila  donc  comme  les  sacrifices  estoient  accessoires  de  tout  le  service  de  Dieu,  ainsi  donc  si  les  prophetes  eussent  autrement  parle,  cela  n'eust  iamais  este  entendu,  et  n'eust  rien  profite  a  ceux  ausquels  ils  estoient  envoies,  s'ils  eussent  dit,  Dieu  sera  adore  sans  sacrifice,  cela  eust  este  fort  estrange  au  peuple  auquel  ils  avoient  affaire,  mais  ils  se  sont  accommodes  a  la  facon  de  leur  temps,  et  a  la  rudesse  du  peuple,  tant  qu'il  leur  ha  este  possible,  en  somme,  quand  Isaye  dit  qu'il  y  aura  un  autel  dresse  en  Egypte,  il  n'entend  pas  qu'il  y  deust  avoir  un  temple  materiel  comme  en  Ierusalem,  mais  que  Dieu  seroit  conneu  et  adore  en  Egypte,  comme  en  Iudee.  Quand  Malachie  dit  qu'on  offrira  sacrifice  pur  et  sainct,  et  accepte  de  Dieu  par  tous  les  coins  du  monde,  il  n'entend  pas  qu'ils  y  doivent  avoir  plus  de  telles  ceremonies,  comme  celles  qui  avoient  regne  sous  la  loy,  mais  que  Dieu  seroit  honore  d'une  facon  qui  luy  seroit  agreable,  comme  quand  il  est  dit  aux  autres  lieux  des  prophetes,  que  tous  parleront  la  langue  de  Chanaan,  ce  n'est  pas  que  la  langue  Hebraique  deust  estre  par  tout,  mais  c'est  a  dire  que  d'un  commun  accord  Dieu  seroit  invoque  de  ceux  qui  avoient  les  langues  estranges,  et  differentes  les  unes  des  autres,  et  Sainct  Paul  declare  cela,  quand  il  dit,  qu'on  invoquera  Dieu  en  toutes  langues,  c'est  donc  cet  accord  qui  est  signifie  par  tous  les  prophetes,  et  comme  il  est  parle  du  pays  d'Egypte,  en  ce  lieu  la  que  nous  avons  allegue,  aussi  il  est  parle  d'Assyrie,  et  des  autres  pays,  qu'il  y  aura  des  autels  qui  seront  dresses  par  tout  des  mont-ioyes,  a  fin  que  quand  on  entrera  en  quelque  region,  qu'il  y  ait  quelques  enseignes,  par  lesquelles  on  connoisse  que  Dieu  est  la  adore,  voila  donc  l'intention  du  prophete  qui  est  asses  manifeste.  Or  revenons  a  ce  qui  est  ici  dit  par  l'ange,  Les  fils  des  dissipateurs  de  ton  peuple  s'esleveront  pour  accomplir  la  vision,  c'est  a  dire,  sous  umbre  de  cette  vision,  qui  ha  este  donnee  au  prophete  Isaye,  ils  s'esleveront,  c'est  a  dire,  qu'ils  feront  une  bende  pour  se  retirer  en  Egypte:  or  cependant,  ce  n'est  pas  sans  cause  que  l'ange  les  appele  transgresseurs.  Et  pourquoy?  A  fin  que  les  fideles  soient  munis  contre  une  telle  tentation,  que  ceux  qui  voudront  honorer  Dieu  purement,  ne  s'aillent  point  mesler  parmi  cette  bende  maudite,  sachans  bien  qu'ils  sont  apostats,  quand  ils  ont  laisse  Dieu  et  la  loy,  pour  aller  dresser  un  service  nouveau  en  Egypte:  voila  donc  comme  l'ange  ha  voulu  advertir  les  fideles,  a  fin  qu'ils  se  donnassent  garde  de  se  mesler  parmi  telles  canailles,  qui  ne  demandent  sinon  la  ruine  de  l'Eglise,  et  non  sans  cause,  car