37:29  29  CAPUT  XL.  30  invictum  scilicet  atque  indefessum  esse  quod  Deus  electis  suis  suggerit  robur.  Hominum  enim  vires  facile  deficiunt:  Dei  vero  nunquam.  Certum  est  quidem  quidquid  vigoris  naturaliter  in  nobis  residet  a  Deo  proficisci:  sed  quoniam  ea  sibi  quasi  propria  arrogant  homines,  quae  communiter  in  omnes  contulit  Deus,  ideo  propheta  discernit  inter  fortitudinem  hominum,  quae  videtur  esse  ipsis  ingenita,  et  eam  qua  Deus  peculiariter  electos  suos  sustinet.  Nec  enim  satis  perspicitur  beneficium  Dei  quod  in  universam  naturam  effusum  est.  Atque  ita  hominum  vires  appellat,  quibus  humanum  genus  communiter  pollet,  auxilium  Dei,  quo  nobis  proprie  succurrit,  postquam  vires  nostrae  defecerunt.  Agit  enim  propheta  de  gratia  Dei  quam  supernaturalem  vocant,  eamque  perpetuam  esse  dicit,  quum  homines  per  se  nihil  nisi  fluxum  et  caducum  habere  possint,  ut  hac  nota  discernat  ecclesiam  Dei  a  reliquo  mundo,  et  spiritualem  gratiam  a  terreno  statu.  Ubi  in  priore  membro  Dnj/J  posuit,  subiungit  DHirn,  quod  non  modo  iuvenes,  sed  etiam  electos  significat.  Quia  tamen  iterat  eandem  sententiam,  magis  convenit  ad  aetatem  referri:  quanquam  intelligit  quosque  electissimi  vigoris  in  ipso  aetatis  flore.  Hoc  autem  consilio  commendat  eximiam  praerogativam,  qua  Deus  filios  suos  prae  aliis  dignatur:  ut  sua  sorte  contenti,  minime  invideant  terrenis  hominibus  vires  in  quibus  exsultant  In  summa,  ostendit  vehementer  falli  homines,  si  propriae  fortitudinis  confidentia  efferantur.  Labascunt  enim  protinus,  ac  deficiunt.  Atque  alludere  videtur  ad  id  quod  in  dies  usu  venit:  nempe  quo  quisque  robustior  est,  eo  maiore  audacia  quae  difficillima  sunt  aggreditur:  atque  eo  fit  ut  qui  vegetiores  sunt  natura,  raro  senes  fiant.  Nihil  enim  arduum  nimis  aut  difficile  esse  putant,  nihil  non  tentant,  et  in  omnia  pericula  temere  irruunt:  sed  fatiscentes  in  medio  cursu  temeritatis  suae  poenas  luunt.  Idem  quoque  accidit  iis  qui  dote  aliqua  ornati  a  Deo  superbiunt,  sibique  nimium  de  se  persuadent.  Quidquid  enim  a  Deo  acceperunt,  redigitur  in  nihilum:  imo  in  exitium  et  perniciem  iis  vertitur:  ac  merito  tales  dant  poenas  arrogantiae  suae.  31.  (At  exspectantes  Iehovam.)  Mutare  vires  Hebraei  pro  colligere  novas  vires,  atque  ita  instaurari  accipiunt.  Piis  igitur  qui  in  Domino  sperabunt  vires  minime  defuturas  ostendit:  ac  confirmat  quod  prius  dixit,  In  quiete  et  silentio  erit  fortitudo  vestra.  Nec  enim  tumultuari  aut  temere  nos  proiicere,  sed  patienter  exspectare  debemus.  Itaque  exspectatio  hic  nihil  aliud  quam  patientiam  significat.  Violenti  homines  suo  se  impetu  frangunt  :  at  piorum  vigor  quamvis  minus  habeat  ostentationis,  imo  saepe  quasi  prostratus  iacet,  dum  placide  auxilium  Dei  exspectans  recreatur  ac  reficitur.  Proinde  redeundum  ad  illud  Pauli,  Virtutem  Dei  in  nostra