35:29  29  IOB  CHAP.  XXXII.  30  faut  donc  conclure  que  tu  es  un  meschant.  Ton  affliction  est  si  grande  et  si  exorbitante,  qu'on  ne  voit  point  au  monde  un  homme  si  presse  que  toi:  il  s'ensuit  donc  que  tu  surmontes  tous  hommes  en  iniquite.  Voila  quel  a  este  le  fondement  qu'ont  prins  les  amis  de  Iob  en  le  voulant  redarguer.  Or  Eliu  proteste  qu'il  n'en  sera  point  ainsi.  Et  de  fait  on  voit,  que  s'il  eust  continue  le  propos,  c'estoit  tousiours  empirer  le  mal.  Car  nous  avons  declare  que  Iob  pouvoit  maintenir  son  integrite,  d'autant  qu'il  avoit  chemine  en  la  crainte  de  Dieu,  et  qu'il  n'a  failli  sinon  en  ce  qu'il  n'a  peu  arrester  du  tout  son  esprit  en  l'obeissance  de  Dieu,  et  qu'il  a  trouve  son  affliction  estrange:  mais  tant  y  a  que  quant  au  principal  sa  cause  estoit  bonne  et  iuste.  Vrai  est  qu'aucuns  entendent  ce  passage,  comme  si  Eliu  disoit,  Ne  dites  point  qu'en  vous  taisant  vous  soyez  sages,  et  que  Dieu  le  confondra  assez  sans  que  les  hommes  mortels  s'en  meslent.  Mais  si  on  regarde  de  pres,  on  trouvera  que  le  sens  naturel  est  celui  que  i'ai  dit,  c'est  assavoir  qu'Eliu  se  mocque  des  amis  de  Iob:  car  notamment  il  leur  reproche  qu'ils  ont  cuide  avoir  trouve  la  sagesse:  comme  nous  disons  en  proverbe,  qu'un  homme  pense  avoit  trouve  la  seve  au  gasteau,  quand  il  aura  quelque  subtilite,  et  qu'il  pourra  se  fourrer  en  quelque  compagnie  pour  mettre  en  avant  son  opinion  et  ce  qu'il  aura  invente,  qu'il  lui  semblera  qu'il  ait  une  raison  invincible,  combien  qu'elle  soit  frivole.  Ainsi  maintenant  parle  Eliu:  II  vous  semble  que  ce  soit  le  noeud  de  la  matiere.  Que  quand  Dieu  a  ainsi  presse  Iob,  qu'il  l'a  afflige  si  durement,  il  lui  est  ennemi:  vous  estimez,  di-ie,  que  voila  un  fondement  si  bon  et  si  ferme  que  rien  plus.  Or  ce  n'est  rien  qui  vaille,  dit-il:  comme  desia  nous  avons  declare  qu'il  ne  s'ensuit  pas  qu'un  homme  soit  meschant,  si  Dieu  le  visite.  Car  combien  que  Dieu  ait  menace  les  transgresseurs  de  sa  Loi,  de  les  punir  et  en  leurs  personnes  et  en  leurs  biens,  et  en  leurs  enfans:  si  est-ce  que  Iob  n'estoit  point  ainsi  persecute,  il  y  a  eu  un  autre  raison.  Or  si  Dieu  menace  les  transgresseurs,  ce  n'est  pas  a  dire  qu'il  ne  se  reserve  ceste  liberte  de  pouvoir,  quand  il  voudra,  exercer  la  patience  des  fideles:  et  encores  qu'il  n'ait  point  esgard  a  leurs  offenses  qu'ils  ont  commises,  si  estce  qu'il  se  monstrera  rude  envers  eux.  Et  pourquoi?  Pour  les  humilier.  Quand  il  n'y  auroit  que  ceste  raison-la,  elle  doit  bien  suffire.  Et  puis  Dieu  veut  que  ses  serviteurs  soyent  en  exemple  aux  autres.  Il  y  a  d'avantage  qu'il  est  besoin  de  mortifier  leurs  affections  charnelles:  car  quelquesfois  nous  avons  des  vices  secrets  en  nous,  ausquels  Dieu  remedie  devant  le  coup:  quand  il  nous  envoye  des  afflictions,  quelquefois  nous  ne  savons  point  pourquoi,  mais  il  voit  plus  clair  que  nous.  Ainsi  donc  cela  nous  doit  estre  resolu,  que  Dieu  affligera  les