34:29  29  IOB  CHAP.  XVI.  30  ne  sust  point  cache,  mais  que  la  terre  en  criast  vengeance.  Mais  a  quel  propos  cela?  Il  n'estoit  point  afflige  des  hommes.  Et  a-il  voulu  que  la  terre  demandast  vengeance  contre  Dieu?  Et  d'autre  coste  le  texte  apres  le  declare:  et  il  faut  bien  qu'on  ait  les  yeux  fermez  pour  s'abuser  a  une  chose  si  aisee.  Car  ii  y  a  ici  deux  poincts  que  Iob  touche:  l'un  est,  Terre,  ne  cache  point  mon  sang:  et  puis,  Qu'il  n'y  ait  point  de  lieu  a  mes  clameurs.  Qu'entend-  il,  Qu'il  n'y  ait  point  de  lieu  a  ses  cris?  C'est  a  dire,  quand  ii  aura  bien  travaille  a  crier  et  a  se  tormenter,  ce  sera  peine  perdue,  d'autant  que  Dieu  le  repousse:  et  quand  il  viendra  aux  hommes,  qu'il  n'y  gaignera  rien.  Puis  qu'ainsi  est,  nous  pouvons  aisement  conclure,  qu'en  disant,  Terre,  ne  cache  point  mon  sang,  il  accorde,  que  s'il  a  mal  fait,  la  chose  viene  en  conte  et  en  iugement,  et  que  toute  sa  vie  soit  mise  en  avant,  que  son  procez  lui  soit  forme  iusques  au  bout,  et  que  Dieu  le  traitte  selon  qu'il  l'a  desservi.  Et  de  fait  ce  mot  de  Sang,  en  l'Escriture  saincte  se  prend  souventesfois  pour  tous  crimes  enormes.  Seigneur,  delivre  moy  de  sang:  au  Pseaume  51  c'est  a  dire,  Seigneur,  delivre-moy  des  fautes  mortelles  que  i'ay  commises.  Nous  voyons  donc  que  Iob  appelle  ici  son  sang,  toutes  les  transgressions  et  les  crimes  qu'il  pourroit  avoir  commis.  Or  c'est  suivant  son  propos:  car  il  avoit  dit,  Que  ses  mains  estoyent  pures  de  rapines.  Pour  confirmation  il  adiouste,  Qu'il  est  content,  si  Dieu  le  trouve  coulpable  en  rien  qui  soit,  que  cela  viene  en  clarte  et  en  conte,  que  ses  pechez  ne  soyent  point  en  tenebres,  mais  que  Dieu  les  produise:  et  quand  tout  sera  bien  examine,  s'il  se  trouve  coulpable,  que  Dieu  ne  lui  face  nulle  merci  ne  misericorde.  Et  puis  il  dit,  Combien  qu'il  gemisse,  et  qu'il  s'escrie,  que  toutes  fois  il  ne  profite  rien,  mais  que  tous  ses  cris  sont  perdus,  qu'il  semble  que  Dieu  ait  les  aureilles  bouchees.  Nous  voyons  maintenant  quelle  est  l'intention  de  Iob.  Or  ici  nous  avons  a  reduire  en  memoire  ce  qui  a  este  traitte  par  ci  devant,  c'est  assavoir,  que  Iob  est  excessif,  d'autant  qu'il  ne  regarde  point  a  la  iustice  souveraine  de  Dieu,  laquelle  est  si  parfaite  et  exquise,  que  nulles  creatures  n'y  peuvent  suffire,  ie  di  mesmes  les  Anges,  comme  il  a  este  traitte  ci  dessus,  car  si  Iob  eust  bien  regarde  a  cela,  c'estoit  pour  le  retenir  en  crainte,  qu'il  n'eust  iamais  fait  une  telle  protestation.  Au  reste,  il  nous  doit  aussi  souvenir,  que  Iob  ne  se  veut  pas  iustifier  comme  s'il  estoit  du  tout  innocent:  mais  il  regarde  pourquoi  c'est  que  Dieu  le  punit,  c'est  assavoir,  qu'il  n'a  point  desservi  cela,  comme  les  hommes  communement  seront  punis  pour  leurs  meffaits.  Dieu  aussi  avoit  une  autre  consideration,  c'est  assavoir,  qu'il  le  vouloit  constituer  comme  un  miroir  a  tous,  et  qu'il  vouloit  examiner  sa  patience.  Iob  donc  ne