33:29  29  IOB  CHAP.  L  30  formite  entre  le  coeur  et  les  sens  exterieurs.  Il  est  vray  (comme  i'ay  dit)  que  nous  pourrons  bien  nous  abstenir  de  mal  faire,  nous  pourrons  bien  avoir  belle  apparence��  devant  les  hommes,  mais  ce  ne  sera  rien,  si  devant  Dieu  il  y  a  de  l'hypocrisie  cachee,  et  de  la  fiction,  quand  on  viendra  a*  ceste  racine,  qui  est  au  dedans  du  coeur.  Que  faut-il  donc?  que  nous  commencions  par  ce  bout-la,  comme  i'ay  dit:  mais  si  est-ce  que  pour  avoir  bonne  integrite,  il  faut  que  les  yeux,  et  les  mains,  et  les  pieds,  et  les  bras,  et  les  iambes  respondent,  qu'en  toute  nostre  vie  nous  declarions  que  nous  voulons  servir  a  Dieu,  et  que  ce  n'est  point  en  vain  que  nous  protestons,  que  nous  voulons  garder  ceste  integrite  au  dedans.  Et  voila  pourquoy  aussi  S.  Paul  exhorte  les  Galates  (5,  25)  de  cheminer  selon  l'esprit,  s'ils  vivent  selon  l'esprit:  comme  s'il  disoit,  II  est  vray  qu'il  faut  que  l'Esprit  de  Dieu  habite  en  nous,  et  qu'il  nous  gouverne:  car  ce  ne  seroit  rien  d'avoir  une  belle  vie,  qui  pleust  aux  hommes,  et  qui  fust  en  grand'  estime,  sinon  que  nous  fussions  renouvelez  par  la  grace  de  Dieu.  Mais  quoy?  Il  faut  que  nous  cheminions,  c'est  a  dire,  il  nous  faut  monstrer  par  effet,  et  par  nos  oeuvres  comment  l'Esprit  de  Dieu  regne  en  nos  ames,  car  si  les  mains  sont  pollues  ovi  de  larcins,  ou  de  cruaute,  et  autres  nuisances,  que  les  yeux  soyent  entachez  de  mauvais  regards  et  impudiques,  de  convoitises  du  bien  a'autruy,  ou  d'orgueil,  et  de  vanite  que  les  pieds  courent  au  mal  (comme  l'Escriture  en  parle)  par  cela  nous  monstrons  bien  que  le  coeur  est  plein  de  malice,  et  de  corruption:  car  il  n'y  a  ne  pieds  ne  mains,  ni  yeux  qui  se  conduisent  d'eux-mesmes:  la  conduite  vient  de  l'Esprit,  et  du  coeur.  Ainsi  donc  apprenons  d'avoir  ceste  conformite  que  l'Escriture  nous  monstre  en  ce  passage,  quand  il  est  dit,  Que  Iob  ayant  ceste  integrite  et  rondeur,  a  vescu  aussi  droitement,  c'est  a  dire,  qu'il  a  converse  avec  ses  prochains  sans  aucune  nuisance,  sans  cercher  son  profit  particulier,  mais  qu'il  a  garde  equite  avec  tout  le  monde.  Et  voila  aussi  en  quoy  Dieu  veut  esprouver  si  nous  le  servons  fidelement,  ou  non:  non  pas  qu'il  ait  besoin  de  nostre  service,  ne  de  tout  ce  que  nous  lui  pouvons  faire:  mais  quand  nous  faisons  bien  a  nos  prochains,  que  nous  gardons  loyaute  a  un  chacun,  comme  nature  mesme  nous  enseigne,  en  cela  nous  rendons  tesmoignage  que  nous  craignons  Dieu.  Nous  en  verrons  beaucoup,  qui  feront  des  grands  zelateurs,  s'il  ne  tient  qu'a  disputer,  et  a  faire  beaucoup  de  devis,  pour  dire  qu'ils  s'estudient  de  servir  a  Dieu,  et  de  l'honorer:  mais  cependant  si  tost  qu'ils  ont  affaire  a  leurs  prochains,  on  cognoist  ce  qu'ils  ont  au  coeur:  car  ils  cerchent  leur  advantage,  et  ne  font  pas  conscience  d'attirer  a  eux,  et  de  tromper  quand  ils  en  auront  la  puissance  par  quelque  moyen