3:29  29  AU  ROY  DE  FRANCE.  30  quand  ils  forgerent  le  veau  (Exode  32,  4).  A  qui,  selon  ceste  raison,  n'eussent  representé  l'Eglise,  les  quatre  cens  prophetes  qui  decevoyent  Achab?  Mais  l'Eglise  estoit  de  la  partie  de  Michee,  voire  seul1)  et  contemptible:  de  la  bouche  duquel  toutesfois  sortoit  la  verité  (1  Rois  22,  8  etc.).  Les  prophetes  qui  s'eslevoyent  contre  Ieremie,  se  vantans  que  la  Loy  ne  pourroit  defaillir  aux  Prestres,  ne  le  conseil  aux  sages,  ne  la  parolle  aux  Prophetes  (Ier.  18,  18),  ne  portoyent-ils  pas  le  nom  de  l'Eglise?  A  l’encontre  de  toute  ceste  multitude  est  envoyé  Ieremie,  pour  denoncer  de  la  part  de  Dieu,  que  la  Loy  perira  entre  les  Prestres,  le  conseil  sera  osté  aux  sages,  et  la  doctrine  aux  Prophetes  (Ier.  4,  9).  2  )  Une  mesme  apparence  ne  reluisoit-elle  point  au  concile  qu'assemblerent  les  Prestres,  Docteurs  et  religieux,  pour  prendre  conseil  de  la  mort  de  Iesus  Christ  (Iean  12,  10)?  Que  maintenant  noz  adversaires  s'aillent  vanter,  s'arrestans3)  en  ces  masques  exterieures,  pour  faire  Christ  et  tous  les  Prophetes  de  Dieu  vivant,  schismatiques:  au  contraire,  les  ministres  de  Satan,  organes  du  sainct  Esprit.  Davantage,  s'ils  parlent  à  bon  escient,  qu'ils  me  respondent  en  bonne  foy,  en  quelle  region  ou  en  quel  peuple  ils  pensent  que  l'Eglise  reside,  depuis  que  par  sentence  diffinitive  du  concile  de  Basle,  Eugenius  Pape  de  Rome  fut  deposé,  et  Aymé  duc  de  Savoye4)  substitué  en  son  lieu.  S'ils  devoyent  crever,  ils  ne  pourront  nier  que  le  concile,  quant  aux  solennitez  exterieures,  ne  fust  bon  et  legitime,  et  ordonné  non  seulement  par  un  Pape,  mais  par  deux.  Eugenius  fut  là  condamné  pour  schismatique,  rebelle  et  contumax,  avec  toute  la  compagnie  des  Cardinaux  et  Evesques  qui  avoyent  machiné  avec  luy  la  dissolution  du  concile.  Neantmoins  estant  depuis  supporté  par  la  faveur  des  Princes,  il  demeura  en  la  possession  de  sa  Papauté:  et  ceste  5)  election  d'Aymé,6)  solennellement