29:29  29  SUR  LE  DEUTER.  CHAP.  XXXII.  30  monstre  ses  oeuvres  ausquelles  sa  gloire  reluise  et  apparoisse:  mais  aussi  qu'il  nous  ouvre  les  yeux  pour  les  contempler,  nous  donnant  prudence  et  discretion  par  son  S.  Esprit,  tellement  que  nous  apprenions  en  humilite  de  l'honorer.  Et  apres  que  nous  aurons  confesse  sa  iustice,  sa  bonte  et  misericorde:  que  nous  sachions  combien  nous  sommes  tenus  a  luy:  et  quand  il  punira  les  autres,  que  nous  soyons  attirez  a  repentance  par  leur  moyen,  et  que  nous  sachions  qu'il  nous  supporte,  d'autant  qu'il  nous  pourroit  bien  abysmer  du  premir  coup,  n'estoit  qu'il  veut  user  de  grace  et  de  bonte  envers  nous,  voire  afin  que  nous  soyons  tant  plus  enflammez  a  l'honorer,  et  a  nous  dedier  a  luy  au  nom  de  nostre  Seigneur  Iesus  Christ.  LE  HUITIESME  SERMON  SUR  LE  CHAP.  XXXII.  V.  2  8  -  3  1  .  DU  SAMEDI  6E  DE  IUIN  1556.  Nous  vismes  hier  comme  Dieu  ayant  esgard  aux  incredules,  et  a  leurs  blasphemes,  avoit  espargne  le  peuple  d'Israel.  Et  la  dessus  il  fut  monstre  que  souvent  Dieu  a  pitie  de  nous,  et  ne  nous  punit  point  en  telle  rigueur  comme  nous  l'avons  merite,  afin  que  son  Nom  ne  soit  point  expose  a  l'opprobre  et  a  la  mocquerie  des  meschans,  qui  ne  demandent  sinon  occasion  de  se  gaudir,  quand  ils  voyent  que  Dieu  afflige  son  Eglise:  et  la  dessus  mesdisent  de  la  doctrine  et  de  la  religion.  Or  maintenant  il  est  ici  adiouste  que  ce  peuple  estoit  perdu  en  conseil  et  sans  intelligence.  Vray  est  que  les  hommes  cuident  estre  assez  sages  quand  ils  sont  fins  et  rusez  pour  bien  prouvoir  a  leurs  negoces,  et  qu'ils  machinent  ceci  et  cela.  Et  mesmes  alors  ils  despittent  Dieu,  comme  nous  voyons  tous  les  mondains  qui  sont  preoccupez  de  ceste  phantasie  d'estre  bien  sages:  ce  ne  leur  est  que  simplicite  ou  sottise  que  de  toute  la  parolle  de  Dieu,  et  de  se  laisser  gouverner  par  icelle.  Mais  cependant  le  8.  Esprit  prononce  que  tous  ceux  qui  ne  cheminent  point  en  la  crainte  de  Dieu  sont  insensez,  et  a  bon  droict.  Car  c'est  nostre  vraye  sagesse  que  de  nous  renger  a  celuy  qui  est  pour  nous  conduire  a  salut:  sans  cela  nous  sommes  povres  aveugles,  nous  sommes  environnez  de  tenebres.  Et  ainsi  en  toute  nostre  vie  nous  ne  pouvons  qu'errer,  et  faut  qu'apres  avoir  choppe,  nous  trebuschions,  voire  en  cheute  mortelle.  Cognoissons  donc  que  iusques  a  tant  que  nous  soyons  venus  la  de  nous  assubiettir  pleinement  a  Dieu,  et  cognoistre  qu'en  luy  gist  toute  nostre  felicite:  que  nous  sommes  desprouveus  de  conseil.  Or  cela  ne  peut  estre  que  les  hommes  ne