28:29  29  SUR  LE  DEUTER.  CHAP.  XXII.  30  bauchez,  qu'au  lieu  de  se  dedier  au  service  de  Dieu,  il  n'y  ait  sinon  dissolutions  et  scandales:  qu'en  peut-il  advenir,  sinon  ce  qui  est  dit  en  ce  passage,  c'est  assavoir  que  sa  maison  sera  souillee?  Et  ainsi  notons,  que  nostre  Seigneur  en  ce  passage,  apres  avoir  declaire  que  tous  ceux  qui  n'ont  pas  le  soin  de  conserver  la  vie  d'un  chacun,  sont  reputez  comme  meurtriers  devant  luy:  il  adiouste  aussi  bien,  qu'un  chacun  provoye  tellement  a  sa  famille,  que  la  il  ne  se  commette  nul  scandale,  et  que  les  povres  ames  ne  soyent  point  ruinees:  que  les  petis  enfans  par  instruction  mauvaise  ne  soyent  point  depravez  et  corrompus,  et  que  les  serviteurs  et  domestiques  ne  voyent  la.  rien  qui  les  peust  gaster:  mais  que  les  maistres  et  maistresses  s'emplovent  a  ce  que  Dieu  soit  honore  et  servi,  afin  que  leurs  maisons  ne  soyent  point  pollues  et  infectees  des  pollutions  communes  du  monde:  mais  que  nous  monstrions  que  Dieu  y  regne,  tellement  que  ses  benedictions  y  sont  estendues  en  tout  et  par  tout,  et  selon  le  corps  et  selon  l'ame.  LE  TROISIESME  SERMON  SUR  LE  CHAP.  XXII.  V.  9.12.  DU  MERCREDI  8E  DE  IANVIER  1556.  Il  n'y  a  nulle  doute,  que  Dieu  en  defendant  aux  Iuifs  de  semer  diverses  semences  en  leurs  vignes,  de  se  vestir  de  robes  tissues  de  diverses  matieres,  de  labourer  la  terre  avec  un  boeuf  et  un  asne,  n'ait  regarde  a  mettre  une  bride  a  tant  d'inventions  que  les  hommes  se  forgent,  pour  desguiser  la  droite  simplicite  que  nous  devons  tenir,  et  que  nature  aussi  nous  enseigne:  car  c'est  une  merveilleuse  boutique  que  l'esprit  de  l'homme,  pour  trouver  ceci  et  cela,  et  n'y  a  iamais  fin  ni  mesure,  comme  on  le  voit  par  experience.  Or  cependant  les  superfluitez  croissent.  Car  voila  a  quoy  les  hommes  s'adonnent,  c'est  assavoir  a  leurs  voluptez  et  delices,  a  leurs  pompes  et  bravetez,  et  a  ie  ne  say  quelle  mignardise:  tellement  qu'on  ne  sait  plus  que  c'est  de  vivre  selon  l'ordre  commun,  et  selon  l'usage  duquel  on  se  devroit  contenter,  si  on  eust  eu  quelque  sobriete  en  soy.  Nous  voyons  (di-ie)  comme  les  hommes  laschent  la  bride  a  leurs  appettis,  et  se  donnent  une  telle  licence,  que  tout  est  mesle  en  nature.  Or  nostre  Seigneur  voulant  tenir  son  peuple  en  quelque  modestie,  a  parle  ici  grossierement,  et  sous  quelques  especes  a  voulu  monstrer  qu'il  approuve  la  simplicite,  en  sorte  qu'il  n'y  ait  point  tous  les  iours  quelque  nouveaute:  et  que  les  hommes,  encores  que  leurs  appettis  fretil-