27:29  29  SUR  LE  DEUTER.  CHAP.  X.  30  nions  a  cest  heritage  du  royaume  des  cieux,  il  faut  bien  que  Dieu  nous  monstre  tant  et  plus  que  ce  n'est  point  de  nostre  dignite,  que  ce  n'est  point  une  acquisition  que  nous  facions  par  nos  services,  pour  dire  que  nous  l'ayons  gagne:  mais  que  c'est  une  pure  liberalite  et  gratuite  que  nous  avons,  d'estre  ses  heritiers:  non  pas  sinon  d'autant  qu'il  nous  a  voulu  choisir;  et  qu'il  nous  supporte,  et  qu'il  nous  pardonne  des  offenses  infinies,  que  nous  ne  cessons  de  le  provoquer,  tellement  qu'il  faudroit  qu'il  nous  exterminast,  s'il  vouloit  user  de  rigueur  envers  nous.  Voila  comme  il  nous  faut  appliquer  a  nostre  usage  la  doctrine  de  Moyse.  Or  cependant  elle  nous  doit  bien  servir  de  consolation,  afin  que  nous  ne  perdions  point  courage,  quand  nous  aurons  offense  nostre  Dieu,  voire  apres  l'avoir  cogneu,  apres  avoir  este  en  train  de  cheminer  selon  sa  parolle:  si  nous  sommes  desbauchez  pour  un  temps,  encores  ne  faut-il  pas  que  cela  nous  face  desesperer:  mais  revenons  au  dessus,  cognoissans  que  si  Dieu  du  temps  des  figures  de  la  Loy  a  exauce  Moyse,  qu'auiourd'huy  il  exaucera  celuy  qui  intercede  pour  nous,  assavoir  son  Fils  unique.  Car  nostre  Seigneur  Iesus  Christ  n'a  pas  este  sacrificateur,  seulement  pour  mourir  afin  de  nous  acquerir  salut:  mais  il  a  cest  office  perpetuel,  qu'il  apparoist  devant  la  face  de  Dieu  son  Pere  afin  de  se  presenter  pour  nous,  d'obtenir  pardon  pour  les  offenses  que  nous  commettons  iournellement.  Notons  (di-ie)  que  si  ceste  grace  a  este  donnee  aux  peres  sous  la  Loy,  qu'auiourd'huy  nous  n'en  serons  pas  privez.  Mais  cependant  ce  n'est  pas  a  dire  que  cela  nous  doive  donner  licence  ou  audace  de  pecher:  cognoissons  quand  nous  venons  devant  Dieu,  qu'il  nous  faut  confesser  nos  fautes  commises,  que  le  mal  nous  desplaise,  et  que  nous  demandions  que  Dieu  nous  reduise  a  soy:  car  ceux  qui  ne  hayssent  point  leurs  pechez,  ils  ne  les  feront  point  aimer  a  Dieu,  mais  ne  feront  que  provoquer  son  ire  tant  plus.  Au  contraire  quand  nous  hayssons  nos  pechez,  Dieu  ne  les  regarde  plus,  il  les  ensevelie  Et  par  cela  nous  sommes  admonnestez,  que  si  Dieu  continue  sa  misericorde  envers  nous,  et  que  iournellement  il  la  renouvelle,  et  qu'il  nous  recoive  a  merci  apres  que  nous  l'aurons  offense:  que  ce  n'est  pas  afin  que  nous  soyons  tant  plus  hardis  au  mal,  pour  dire,  nous  en  aurons  bon  marche.  Gardons-nous  d'un  tel  blaspheme:  mais  cela  se  doit  appliquer  aux  fautes  passees.  Quand  donc  il  est  parle  en  l'Escriture  saincte  de  la  misericorde  de  Dieu,  de  la  remission  de  nos  pechez,  sachons  que  Dieu  nous  renvoye  a  ce  que  nous  avons  desia  commis:  et  cependant  pour  l'advenir  qu'il  nous  advertit  du  danger  auquel  nous  avons  este:  et  pourtant  que  nous  le  prions  qu'il  nous  gouverne  par  son  sainct  Esprit,  qu'il  ne  permette  point  que