26:29  29  SUR  LE  DEUTER.  CHAP.  IL  30  dant  recevons  les  instruction^  que  Dieu  nous  donnera,  et  apprenons  de  les  bien  retenir,  et  ne  les  mettre  iamais  en  oubli,  comme  son  intention  est  de  nous  en  refreschir  souvent  la  memoire,  iusques  a  ce  que  nous  en  soyons  bien  persuadez.  Voila  donc  comme  nous  avons  a  pratiquer  ceste  doctrine  du  temps  qui  est  ici  assigne  par  Moyse,  quand  Dieu  a  fait  pourmener  son  peuple  par  l'espace  de  trente  huict  ans,  et  puis  qu'il  y  a  eu  deux  ans  adioustez  iusques  a  ce  que  les  quarante  ans  fussent  accomplis.  LE  TROIZIEME  SERMON  SUR  LE  CHAP.  II.  V.  24.29.  DU  MERCREDI  IR  De  MAY  1555.  Ici  Moyse  conferme  encores  mieux  ce  que  nous  avons  traitte  par  ci  devant:  c'est  assavoir,  que  les  hommes  ne  se  doyvent  point  addonner  a  des  folles  entreprises,  comme  chacun  y  sera  induit  par  sa  cupidite:  mais  il  nous  faut  regarder  ce  qui  nous  est  licite.  Or  il  n'y  ha  autre  examen,  sinon  d'escouter  ce  que  Dieu  nous  commande,  et  nous  promet:  car  sa  volonte  nous  doit  estre  une  reigle  certaine.  Quiconque  s'ingere  a  faire  ce  que  bon  luy  semble,  encores  qu'il  approuve  son  faict  aux  hommes,  qu'il  ait  beaucoup  de  belles  couleurs:  tant  y  a  que  devant  Dieu  il  sera  tousiours  condamne.  Ainsi  retenons,  que  pour  cheminer  comme  il  appartient,  il  nous  faut  avoir  ceste  sobriete  et  modestie,  d'obeir  a  Dieu,  et  de  ne  point  attenter  plus  que  sa  parolle  ne  porte.  Il  est  vray  qu'ici  il  est  parle  des  guerres  par  especial:  mais  il  nous  faut  appliquer  ceste  doctrine  a  nostre  usage  commun.  Car  comme  Dieu  a  choisi  le  peuple  d'Israel  pour  le  mettre  comme  un  miroir  de  son  Eglise:  aussi  faut-il  que  nous  rapportions  a  nous  ce  qui  en  est  escrit.  Car  la  perfection  des  choses  qui  sont  ici  contenues,  nous  appartient,  comme  S.  Paul  le  monstre.  Or  si  cela  estoit  bien  observe,  nous  n'aurions  point  en  nostre  vie  une  telle  confusion  :  comme  nous  le  voyons.  Car  chacun  appete,  et  puis  selon  son  appetit,  on  se  iette  sur  ses  entreprinses:  et  n'est  point  question  de  nous  enquerir  de  ce  que  Dieu  nous  commande:  mais  nos  affections  nous  transportent  et  nous  enflamment  tellement,  qu'un  chacun  court  apres  son  obiect.  Et  ainsi  nous  ne  faisons  que  tracasser  en  toute  nostre  vie.  Or  ici  il  nous  est  monstre  que  les  hommes  ne  doivent  point  estendre  la  main  pour  usurper  rien  qui  soit,  sinon  ce  qui  leur  est  donne  de  Dieu.  Quand  il  dit:  Marchez,  ce  n'est  pas  a  l'aventure,  mais  la  promesse  et  adioustee  quant  et  quant:  Voici  le  Seigneur  a