24:29  29  COMMENTARIUS  IN  EXODI  CAP.  IT.  30  fore  hostes,  si  innotuisset  facinus  :  verum  a  fratribus,  quorum  miseriae  succurrere  voluerat,  nunquam  expectasset  tam  indignam  mercedem:  ideoque  incredibilis  constantiae  fuit  tantum  obstaculum  superare.  15.  Pharao  etiam.  Timorem  fatetur  Moses,  sed  quo  retractus  non  fuit  a  vocatione  sua.  Diximus  ante  eius  zelum  fuisse  infirmitati  admixtum,  sed  praevaluisse,  ut  nihilominus  iniunctum  sibi  officium  viriliter  simul  ac  timide  praestaret.  Haec  autem  altera  est  constantiae  probatio,  quod  eum  facti  non  poenitet,  ut  studeat  regem  placare,  sed  ad  exsilium  se  comparat:  neque  sic  expavescit  in  tanto  discrimine  ut  attonitus  vel  consilii  inops  desideat,  sed  concedit  in  terram  Madian,  ac  per  deserta  mavult  errare  quam  hostibus  electi  populi  reconciliari.  Quanquam  autem  videtur  hoc  circuitu  Deus  a  consilio  liberandi  populi  deflectere:  mirabiliter  tamen  opus  suum  promovet.  Certe  Mosen  tam  arduis  quae  eum  manebant  certaminibus,  nondum  fuisse  maturum  satis  iam  cognovimus  :  imo  in  aula  molliter  et  delicate  habitus,  nondum  ad  ingentes  et  continuas  molestias  assueverat,  quarum  fuisse  victorem  contextus  historiae  ostendet.  Deus  itaque  eum  quodammodo  subduxit,  ut  paulatim  obeundae  tantae  provinciae  idoneum  ac  parem  redderet.  Usus  enim  quadraginta  annorum  in  laborioso  et  austero  vitae  genere  non  parum  profuit  ad  quidvis  ferendum  :  ut  merito  desertum  censeri  debeat  schola  in  qua  eruditus  fuit,  donec  ad  provinciam  magis  difficilem  accerseretur.  Quod  dicitur  sedisse  iuxta  puteum,  interpretor  ob  lassitudinem  illic  sole  ad  occasum  vergente  interquievisse,  ut  circa  vesperam  inquireret  de  hospitio  ab  incolis,  quos  ad  hauriendam  aquam  venturos  sperabat.  Ex  quo  infausto  accessu  coniicere  promptum  est  quam  commoda  habitatio  sperari  ab  eo  potuerit.  16.  Erant  autem  sacerdoti  Madian  septem  filiae,  quae  venerunt,  et  hauserunt,  impleveruntque  canales,  ut  potarent  oves  patris  sui.  17.  Et  venerunt  pastores  qui  repulerunt  eas:  et  surgens  Moses  auxiliatus  est  ipsis,  potavitque  oves  illarum.  18.  Et  quum  venissent  ad  Bethuel  patrem  suum,  dixit  ille:  Quare  hodie  tam  cito  rediistis?  19.  Responderunt,  vir  Aegyptius  liberavit  nos  e  manu  pastorum,  atque  etiam  hauriendo  hausit  nobis,  et  praebuit  potum  ovibus.  20.  Dixit  ille  ad  filias  suas:  Et  ubi  est  ille?  quare  sic  dereliquistis  virum?  convocate  eum  ut  comedat  panem.  21.  Et  consensit  Moses  habitare  cum  viro  illo,  qui  dedit  Sephoram  filiam  suam  Mosi.  22.  Quae  quum  peperisset  filium,  vocavit  nomen  eius  Gerson,  dicens:  Peregrinus  sum  in  terra  aliena.  16.  Erant  autem  sacerdoti.  Hunc  occursum  prosperae  fortunae  adscriberent  profani  homines  in  quo  tamen  vivam  providentiae  suae  imaginem  reprae-