21:29  29  PAR  THEODORE  DE  BEZE.  du  Seigneur.  Au  reste  par  ee  discours  ie  pense  avoir  traitte  la  pluspart  de  sa  vie.  Car  qu'a  ee  este  autre  chose  de  sa  vie  qu'une  perpetuelle  doctrine,  tant  par  paroles  que  par  escrit  et  par  toutes  ses  meurs  et  facons  de  vivre?  Ce  que  toutesfois  il  est  tres  bon  d'exposer  par  le  menu,  afin  que  chacun  entende  les  merveilles  de  Dieu  a  l'endroit  de  cest  excellent  personnage.  Il  nasquit  a  Noyon  ville  ancienne  et  celebre  [page  17]  de  Picardie  Tan  1509  le  10  de  Iuillet,  d'une  maison  honneste  et  de  moyennes  facultez.  Son  pere  s'appeloit  Girard  Calvin,  homme  de  bon  entendement  et  conseil  et  pour  cela  fort  requis  es  maisons  des  seigneurs  circonvoisins  :  a  raison  de  quoy  sondit  fils  des  son  ieune  aage  fut  tant  mieux  et  liberalement  nourri,  aux  despens  de  son  pere  toutesfois,  en  compagnie  des  enfans  de  la  maison  de  Mommor,  ausquels  aussi  il  fit  compagnie  aux  estudes  a  Paris.  Il  estoit  deslors  d'un  singulier  esprit  et  sur  tout  fort  consciencieux,  ennemi  des  vices  et  fort  adonne  au  service  de  Dieu  qu'on  appeloit  pour  lors  :  tellement  que  son  coeur  tendoit  entierement  a  la  Theologie  qui  fut  aussi  cause  qu'on  le  pourveut  d'un  benefice  en  l'eglise  cathedrale  de  Noyon.  Toutesfois  son  pere  se  resolut  de  le  faire  estudier  aux  loix  et  luy  aussi  de  sa  part  ayant  desia  [fol.  4]  par  le  moyen  d'un  sien  parent  et  ami  nomme  maistre  Pierre  Robert,  autrement  Olivetanus,  qui  depuis  a  traduit  la  Bible  d'Hebrieu  en  Francois  imprimee  a  Neufchastel,  gouste  quelque  chose  de  la  pure  religion,  commencoit  a  se  distraire  des  superstitions  Papales:  qui  fut  cause  qu'outre  la  singuliere  reverence  qu'il  portoit  a  son  pere  il  s'accorda  d'aller  a  Orleans  [page  18],  pour  cest  effect,  la  ou  lisoit  pour  lors  un  excellent  homme  nomme  Pierre  de  l'Estoille,  depuis  President  en  la  cour  de  parlement  a  Paris:  sous  lequel  il  profita  tellement  en  peu  de  temps  qu'on  ne  le  tenoit  pour  escolier  mais  comme  l'un  des  docteurs  ordinaires:  comme  aussi  il  estoit  plus  souvent  enseigneur  qu'auditeur,  et  luy  fut  offert  de  le  passer  docteur  pour  rien,  ce  que  toutesfois  il  refusa.  Et  pource  que  lors  Puniversite  de  Bourges  estoit  aussi  en  bruit  a  cause  de  cest  excellent  Iurisconsulte  Andre  Alciat  qui  lors  y  enseignoit,  il  le  voulut  bien  voir  et  ouir  aussi.  Cependant  il  ne  laissoit  de  vaquer  aux  sainctes  lettres  avec  tel  fruict  et  si  heureusement  que  tous  ceux  ausquels  il  plaisoit  a  Dieu  de  toucher  le  coeur  pour  entendre  que  c'estoit  des  differents  esmeus  pour  le  faict  de  la  religion,  non  seulement  luy  portoyent  affection  singuliere  mais  l'avoyent  desia  en  admiration  pour  ^erudition  et  zele  qui  estoit  en  luy.  Entre  autres  qu'il  hantoit  pour  lors  a  Bourges  il  y  avoit  un  excellent  personnage  Aleman,  professeur  de  lettres  Grecques,  nomme  Melchior  Volmar,  duquel  ie  me  souvien  d'autant  plus  volontiers  que