11:29  1540  FEBRUAR..MART.  se  cohaereant,  ut  desidero,  non  audeo  statuere,  nisi  quod  animadverto  infaustae  illius  contentionis  reliquias  nimium  animis  nostris  adhaerescere.  Hinc  sinistrae  multae  suspiciones,  quae  ubi  nos  semel  occuparunt,  nulla  inter  nos  solida  amicitia  aut  esse,  aut  diu  stare  potest.  De  nostris  hoc  certe  polliceri  atque  etiam  spondere  ausim,  nihil  eos  magis  cupere,  quam  ut  depositis  omnibus  discordiis  fraternam  amicitiam  sincere  vobiscum  colant:  deinde  non  aliud  quaerere  concordiae  vinculum,  quam  puram  Dei  veritatem.  De  Capitonis  sinceritate,  quia  satis  perspectam  vobis  esse  puto,  non  multum  loquar.  Pro  Bucero  respondebo,  non  esse  causam,  cur  ulla  in  re  debeat  vobis  esse  suspectus.  Tametsi  enim  singulari  perspicientia  iudiciique  acumine  praeditus  est,  nemo  tamen  est  qui  religiosius  studeat  in  simplicitate  verbi  Dei  se  continere,  ac  alienas  ab  ea  argutias  non  dico  minus  captet  sed  magis  oderit.  Iam  si  quid  in  eo  desideratis,  qua  est  modestia  et  facilitate,  non  modo  admoneri  a  vobis,  sed  etiam  obiurgari,  si  opus  est,  sustinebit.  Tantum  ostendite  eam  vos  nobiscum  expetere  communicationem  quae  servis  Christi  inter  se  esse  debet.  De  controversia  ipsa  non  est  quod  tecum  agam.  Res  enim  est  quae  vix  per  literas  possit  expediri.  Et  ego  fortassis  temere  arroganterque  facere  videar,  si  quid  in  eo  genere  tentare  ausim.  Temperare  tamen  mihi  saepe  nequeo,  quin  cupiam  mihi  occasionem  aliquam  dari  huius  quaestionis  coram  tecum  familiariter  tractandae  ac  disceptandae.  Scis  enim  me  nunquam  tecum  sic  verbis  de  ea  contulisse,  ut  scire  possim  quid  plenam  inter  nos  consensionem  impediat.  Quia  autem,  quidquid  illud  est,  indignum  esse  sentio,  quod  dissidii  causam  nobis  praebeat,  peto  abs  te,  mi  Bullingere,  vel  potius  te  etiam  atque  etiam  obtestor,  ut  non  modo  ab  omni  odio  ac  contentione,  sed  ab  omni  etiam  offensionis  specie  simus  alienissimi.  Ignosces  meae  sollicitudini.  Neque  enim  haec  dico  quod  vel  de  prudentia  tua,  vel  de  voluntate,  vel  de  animi  firmitudine  constantiaque  dubitem,  sed  habet  hoc  proprium  caritas,  ut  dum  nihil  non  sperat,  sit  tamen  interim  nonl)  sollicita.  Deinde  si  consideras  quot  undique  pericula,  praesertim  hoc  infelici  nostro  saeculo  nos  circumstent  atque  obsideant,  locum,  ut  spero,  meae  huic  simplicitati,  nedum  veniam,  concedes.  Vale,  eruditissime  vir  atque  integerrime.  Saluta  quaeso  miiii  reverenter  fratres  omnes,  Pellicanum,  Leonem,  Theodorum,  Megandrum  et  alios  quos  ego  in  Domino  bona  fide  veneror.  Utinam  me  quoque  libere  admonere  ne  graveris.2)  Argentorati  12.  Martii.  Calvinus  tuus.  218.  1)  non  deest  in  apogr.  nonnullis  et  in  versione  anglica.  2)  Sequentia  omnia  desunt  in  autographo  Genevensi,