9:289  289  DE  OCCULTA  DEI  PROVIDENTIA.  290  Iam  quum  ferae  bestiae  pro  sua  sobole  ad  mortem  usque  decertent,  qui  fit  ut  Deus  parvulos  infantes  a  tigribus  vel  ursis,  vel  leonibus,  vel  lupis  laniari  vorarique  sio  at?  an  quia  brevior  est  eius  manus,  quam  ut  sese  ad  eos  tuendos  porrigat?  Vides  quam  latus  mihi  campus  pateat,  si  traducere  libeat  tuas  ineptias  :  sed  mihi  hoc  unum  sufficit,  exstare  erga  totum  humanum  genus  amoris  Dei  testimonia,  quae  omnium  qui  pereunt  ingratitudinem  coarguant:  neque  tamen  hoc  obstare  quominus  peculiarem  suum  amorem  ad  paucos  restringat,  quos  ex  multis  eligere  dignatus  est.  Certe  quod  sibi  olim  adoptavit  genus  Abrahae,  eo  palam  testatus  est  minime  aequali  se  amore  complecti  totum  humanum  genus.  [pag.  34]  Quod  etiam  repudiato  Esau,  Iacob  natu  minorem  praetulit,  in  eo  delectu  clarum  documentum  praebuit  liberi  sui  amoris,  quo  non  alios  prosequitur  nisi  quos  vult.  Clamat  Moses  gentem  unam  aliis  reiectis  dilectam  fuisse  a  Deo.  Ubique  affirmant  prophetae,  non  alia  de  causa  excellere  Iudaeos,  nisi  quia  Deus  gratis  eos  dilexit.  An  tu  negabis  esse  Deum,  quia  tigridi  vel  ursae  non  deprehendis  esse  similem?  Iam  Christus  non  humanum  genus,  ac  ne  Iudaeos  quidem  passim,  sed  pusillum  gregem  compellans,  non  frustra  dicit:  Nolite  timere,  quia  complacuit  patri  vestro  in  vobis.  Nempe  quia  paternum  eius  favorem  in  spem  aeternae  salutis  non  experiuntur  alii,  nisi  quos  sibi  gratos  reddit  in  filio  unigenito.  Quod  si  Deum  naturae  legibus  subiicere  tibi  propositum  est,  iniustitiae  eum  damnabis,  quod  ob  unius  hominis  culpam  omnes  aeternae  [pag.  35]  mortis  reatu  tenemur  impliciti.  Peccavit  unus,  omnes  ad  poenam  trahuntur  :  neque  id  modo,  sed  ex  unius  vitio  contagionem  omnes  contrahunt,  ut  corrupti  et  mortifera  labe  infecti  nascantur.  Quid  tu  ad  hoc,  bone  censor?  An  Deum  crudelitatis  damnabis,  quia  suos  omnes  foetus  praecipitaverit  in  exitium,  unius  hominis  lapsu?  Etsi  enim  so  et  suos  perdidit  Adam,  corruptionem  tamen  et  reatum  arcano  Dei  iudicio  adscribere  necesse  est:  quia  nihil  ad  nos  unius  hominis  culpa,  nisi  nos  coelestis  iudex  aeterno  exitio  addiceret.  Ac  vide  quam  scite  locum  Isaiae  ad  fucandum  errorem  tuum  obtendas.  Quia  incredibile  erat  ecclesiam  Dei,  quae  cxsilio  Babylonico  non  solum  liberis  orbata,  sed  etiam  sterilis  fuerat,  collecto  novo  vigore,  fore  brevi  magis  quam  antea  foecundam,  sic  loquitur  Deus:  An  ego,  cuius  virtute  foeminae  pariunt,  non  potero  etiam  sobolem  producere?  [pag.  36]  Tu  hoc  praetextu  Deum  ad  quoslibet  animalium  affectus  induendos  cogis.  Audacter  ratiocinaris,  quia  Deus  animalia  facit  amare  foetus  suos,  ipsum  quoque  proprios  foetus  amare.  Quod  ut  tibi  concedam,  non  sequitur  tamen,  eodem  amare  modo.  Deinde  hoc  non  obstat  quo  minus  reiiciat  tanquam  iustus  iudex,  quos  amore  et  indulgentia,  ut  optimus  pater,  prosequitur.  Calvini  opera.  Vol  IX.