8:289  289  PRAEDESTINATIONE.  29O<  Nec  vero  aliter  stare  potest  inviolabile  illud  Dei  pactum:  Ego  sum  Deus  zelotes,  misericors  in  mille  generationes,  severus  ultor  usque  in  tertiam  et  quartam  generationem  (Exod.  20,  5  ss.):  nisi  Dominus  arbitrio  suo  discernat,  quibus  gratiam  largiatur,  vel  quos  aeternae  morti  velit  manere  addictos.  Gratiam  suam  in  mille  usque  aetates  propagat.  Quaeso,  an  piorum  filios  propriis  meritis  [pag.  69]  aestimat,  quum  exhibitam  patribus  gratiam  non  alia  ratione  continuat  etiam  erga  ipsos,  nisi  quia  se  i  ta  facturum  promisit?  Abrahae,  qui  nihil  promeritus  erat,  fidem  suam  gratuito  obstringit,  se  in  eius  gratiam  fore  posteris  in  Deum.  Hinc  solennis  illa  post  eius  mortem  obtestatio:  *)  Recordare  Domine  servi  tui  Abrahae.  Hic  certe  inter  homines  delectus  habetur;  neque  ex  cuiusque  meritis,  sed  ex  sancito  cum  patribus  foedere.  Non  quod  tota  Abrahae  posteritas,  quae  ex  eo  secundum  carnem  descendit,  hanc  praerogativam  teneat:  sed  tamen  eorum  omnium  qui  ex  Abrahae  semine  in  vitam  cooptati  sunt,  et  fides  et  salus  huic  promissioni  accepta  referri  debet.  Eadem  est  vindictae  ratio,  quam  Deus  in  tertiam  usque  et  quartam  generationem  exsequitur.  Quod  enim  afferunt  nonnulli,  puniri  quicunque  omnibus  saeculis  peccaverint,  suo  quemque  ordine,  plus  quam  frivolum  est.  Sic  olim  Pelagiani,  quum  ex  scripturae  testimoniis,  quae  omnes  in  Adam  peccasse  ostendunt,  expedire  se  nequirent,  cavillabantur,  imitatione  peccasse.  Sed  quemadmodum  eos  urgebant  pii  doctores,  Adae  reatu  vere  omnes  damnatos,  quo  Christi  gratia  eos  absolvit  :  ita  in  praesenti  causa,  ut  inter  se  antitheta  respondeant,  necesse  est  in  filiorum  persona  Deum  ulcisci,  quae  in  patribus  peccata  damnavit.  Nec  sane  aliter  exponere  licet  complures  scripturae  [pag.  70]  locos,  ubi  se  testatur  reiicere  maiorum  peccata  in  sinum  filiorum  (Exod.  34,  7;  Deut.  5  ,  9  ;  Iere.  32,  18).  Frustra  autem  obiicitur  illud  Ezechielis  (18,  2  seqq.):  Filius  non  portabit  patris  iniquitatem,  sed  anima  quae  peccaverit  .  ipsa  morietur.  Quia  haec  vindictae  pars  est,  quod  Dominus  spiritu  suo  nudos  et  vacuos  relinquit:  quo  fit,  ut  propriam  quisque  culpam  sustineat.  Luere  ergo  maiorum  peccata  dicuntur  posteri,  non  immeriti  (ut  profanus  ille  poeta2  )  cantillat)  sed  hoc  ipso  noxii,  quod  ut  natura  sunt  filii  irae  (Ephes.  2,  3),  quemadmodum  loquitur  Paulus,  proprio  ingenio  relicti,  mortis  aeternae  iam  a  prima  origine  haeredes  nihil  quam  suum  interitum  assiduo  procursu  augere  possunt.  Hic  quoque  locum  Iesaiae  (6,  9)  exponere,  non  intempestivum  erit:  quem  non  abs  re  spiritus  sanctus  in  novo  testamento  voluit  sexies  repeti  1)  ceste  farcon  de  prier  qui  estoit  accoustumee  entre  les  fideles  sous  l'ancien  testament.  2)  Horat  Od.  III.  6,  1.  Calvini  opera.  Vol  VIII.