6:289  DE  LIBERO  ARBITRIO.  voluntatis.  Nunc  ex  adverso  concilii  Auransicani  *)  profero  decretum:2)  Si  quis,  ut  a  peccato  purgemur,  voluntatem  nostram  Deum  exspectare  contendit,  non  autem,  ut  etiam  purgari  velimus,  per  spiritus  sancti  operationem  in  nobis  fieri  confitetur,  resistit  spiritui  sancto  per  Solomonem  dicenti:  Praeparatur  a  Domino  voluntas.  Sic  inter  hominis  voluntatem  et  Dei  gratiam  distribuit  Hilarius,  ut  principium  ad  illam  referat,  adiuvari  postea  dicat  Dei  gratia:  concilium  eos  spiritus  sancti  hostes  pronunciat,  qui  sic  sentiunt,  vel  loquuntur.  Ubi  nunc  illa  est  tam  certa  definitio,  quam  Pighius  tertio  quoque  verbo  iactitat?  In  altero  Hilarii  loco  sic  habetur:  Est  ergo,  quum  oramus,  a  nobis  exordium,  ut  munus  a  Deo  sit.  Huic  iterum  alterum  eiusdem  synodi  caput  [pag.  79]  oppono:3)  Si  quis  sine  gratia  Dei  volentibus,  laborantibus,  studentibus,  conantibus,  petentibus,  quaerentibus,  pulsantibus  nobis  misericordiam  dicit  conferri,  non  autem  divinitus,  ut  credamus,  velimus,  petamus,  et  omnia  haec,  sicut  oportet,  agere  valeamus,  per  spiritum  in  nobis  fieri  confitetur,  resistit  apostolo  dicenti:  Quid  habes  quod  non  acceperis  (1  Cor.  4,  7)?  De  fide  nominatim  hoc  Hilarius  asserit,  eius  initium  in  nobis  situm  esse.  Atqui  longe  aliud  concilii  verba  sonant.  Si  quis  tam  initium  quam  augmentum  fidei,  et  ipsum  credendi  affectum,  non  per  gratiae  donum,  id  est,  spiritus  sancti  operationem,  corrigentem  voluntatem  nostram  ab  infidelitate  ad  fidem,  ab  impietate  ad  pietatem,  sed  naturaliter  nobis  inesse  dicit,  adversatur  apostolo  dicenti:  Qui  coepit  in  vobis  opus  bonum,  perficiet  usque  in  diem  Domini  Iesu  (Phil.  1,  6).  Quidquid  ex  Hilario  adducit  Pighius,  pro  testata  ecclesiae  traditione  vult  haberi.  Quo  igitur  loco  habebimus  illud  concilium?  Quod  tametsi  aetate  sit  posterius,  autoritate  tamen  cedere  non  debet.  Praesertim  quum  nihil  aliud  quam  superioribus  conciliis,  Carthaginensi  et  Milevitano,  subscribat.  Augustinum  adhuc  taceo,  qui  separatim  postea  suo  ordine  dum  prodibit,  totam  Pighii  harmoniam  prorsus  turbabit.  Quod  si  temporis  et  otii  tantum  daretur,  quod  huic  rei  satis  foret:  collectas  hinc  inde  veterum  sententias  inter  se  conferendo,  quam  infirma  ex  illis  habeatur  perpetui  ecclesiae  consensus  probatio,  palam  facerem.  Sed  quoniam  ad  alia  me  temporis  brevitas  festinare  cogit,  hoc  labore  nunc  supersedeo.  Specimen  tamen  hoc  in  transcursu  proferre  libuit,  unde  coniecturam  faciant  lectores,  qualis  futura  esset  fidei  nostrae  certitudo,  si  Pighio  obsequeremur:  dum  nihil  nobis  certum  in  religione  habere  permittit,  nisi  quod  ex  ecclesiae  1)  Amstelodamensis  emendas:  Arausicani.  Gallus:  du  concile  d'Arausique;  1611:  d'Aurange.  Arausio  oppidum  Galliae  hodie  Orange  appellatur.  2)  Cap.  4,  3)  Cap.  6.  Calvini  opera.  Vol.  VI.