55:289  289  CAPUT  V.  290  geant.  Neque  enim  carnis  torporem,  sed  quietem  fidei  nobis  afferre  debet.  8.  Sobrii  estote,  vigilate,  quia  adversarius  vester  diabolus,  tanquam  leo  rugiens,  circuit,  quaerens  quem  devoret  9.  Cui  resistite  firmi  fide,  scientes  easdem  passiones  vestrae  quae  in  mundo  est  fraternitati  adimpleri.  10.  Deus  autem  omnis  gratiae,  qui  nos  vocavit  in  aeternam  suam  gloriam  per  Christum  Iesum,  paulisper  afflictos  ipse  vos  perficiat,  confirmet,  corroboret,  stabiliat  ll.  Ei  gloria  et  imperium  in  saecula  saeculorum.  Amen.  8.  Sobrii  estote.  Haec  exhortatio  latius  patet:  nempe  quia  illis  bellum  est  cum  hoste  acerrimo  et  potentissimo,  ut  ad  resistendum  intenti  sint.  Duplici  autem  metaphora  utitur  :  ut  sobrii  sint,  et  excubias  agant.  Ignaviam  et  somnum  crapula  generat:  ita  etiam  qui  se  terrenis  curis  aut  voluptatibus  ingurgitant,  spirituali  veterno  oppressi,  nihil  cogitant.  Nunc  tenemus  apostoli  mentem.  Nobis  in  hoc  mundo  militandum  esse  dicit:  ac  negotium  esse  admonet  cum  hoste  non  vulgari,  sed  qui  instar  leonis  huc  illuc  cursitet,  paratus  ad  vorandum.  Hinc  sedulo  excubandum  esse  colligit.  Eodem  argumento  studium  nostrum  acuit  Paulus  sexto  ad  Ephesios  capite,  quum  dicit  non  esse  nobis  certamen  cum  carne  et  sanguine,  sed  cum  spiritualibus  nequitiis,  ete.  Pace  enim  ut  plurimum  ad  desidiam  abutimur:  atque  hinc  fit  ut  nos  subinde  hostis  circumveniat  et  opprimat:  quia  tanquam  extra  periculum  constituti,  pro  carnis  libitu  delitiamur.  Leoni  diabolum  comparat,  ac  si  diceret  truculentam  esse  belluam.  Circuire  dicit  ad  devorandum,  ut  nos  ad  cavendi  studium  excitet.  Adversarium  piorum  nominat,  ut  sciant  hac  lege  se  Deum  colere,  et  Christi  fidem  profiteri,  ut  cum  diabolo  continuum  bellum  habeant.  Neque  enim  membris  parcet,  qui  cum  capite  proeliatur.  9.  Cui  resistite.  Sicuti  hostis  potentia  nos  acuere,  et  magis  sollicitos  reddere  debet:  ita  periculum  esset  ne  occupati  immodico  terrore  animi  conciderent,  nisi  spes  victoriae  ostenderetur.  Id  ergo  nunc  agit  apostolus,  ut  sciamus  prosperum  fore  belli  eventum,  si  quidem  militemus  sub  Christi  vexillo.  Quisquis  enim  fide  instructus  in  certamen  descendet,  eum  fore  certo  victorem  pronuntiat.  R  e  s  i  s  t  i  t  e  ,  inquit.  Si  quis  obiiciat:  quomodo?  Respondet,  in  fide  satis  esse  firmitudinis.  Paulus  eo  quem  nuper  citavi  loco  (Ephes.  6,  13)  singulas  armaturae  partes  recenset.  Idem  tamen  est  sensus:  quia,  teste  Iohanne,  una  fides  victoria  nostra  est  adversus  mundum.  Scientes  easdem  passiones.  Altera  consolatio,  quod  nobis  cum  omnibus  filiis  Dei  commune  est  certamen.  Nam  periculose  nos  tentat  Satan,  quum  Calvini  opera.  Vol.  LV.