52:289  289  CAPUT  III.  290  quia  eam  praeconio  suo  celebrat',  quia  puram  et  sinceram  retinet,  quia  transmittit  ad  posteros.  Quod  si  non  resonet  evangelii  doctrina,  si  nulli  sint  pii  ministri  qui  sua  praedicatione  veritatem  a  tenebris  et  oblivione  vendicent,  statim  mendacia,  errores,  imposturae,  superstitiones,  omneque  genus  corruptelae  regnum  vendicabunt.  Denique  silentium  in  ecclesia  est  exilium  oppressioque  veritatis.  In  hac  expositione  quid  omnino  est  coactum?  Nunc,  quando  tenemus  Pauli  mentem,  redeamus  ad  papistas.  Primum  dum  ad  se  transferunt  hoc  encomium,  improbe  faciunt,  alienis  plumis  se  vestiendo.  Nam  ut  evehatur  ecclesia  supra  tertium  coelum,  nego  id  totum  ad  eos  ullo  modo  pertinere.  Quin  etiam  locum  praesentem  adversus  eos  retorqueo.  Nam  si  ecclesia  columna  est  veritatis:  sequitur  non  esse  apud  eos  ecclesiam,  ubi  non  modo  sepulta  iacet  veritas,  sed  horrendum  in  modum  diruta  et  eversa  pedibus  calcatur.  An  hoc  est  vel  aenigma,  vel  cavillum?  Paulus  ecclesiam  non  vult  agnosci,  nisi  in  qua  excelsa  et  conspicua  stat  Dei  veritas:  in  papatu  nihil  tale  apparet,  sed  disiectio  tantum  et  ruinae:  ergo  genuina  ecclesiae  nota  illic  non  exstat.  Sed  inde  hallucinatio,  quia  quod  praecipuum  erat,  non  considerant,  sustineri  Dei  veritatem  pura  evangelii  praedicatione:  neque  hominum  ingenio  aut  sensu  niti  fulturam,  sed  ex  alto  magis  pendere,  nempe  si  a  simplici  Dei  verbo  non  disceditur.  16.  Magnum  pietatis  mysterium.  Alia  rursus  amplificatio.  Ne  enim  minoris  quam  decebat  hominum  ingratitudine  fieret  Dei  veritas,  extollit  eius  pretium,  quum  admonet  magnum  esse  pietatis  arcanum:  quia  scilicet  non  agatur  de  rebus  abiectis,  sed  de  revelatione  filii  Dei,  in  quo  absconditi  sunt  thesauri  omnes  sapientiae.  Ex  tantarum  rerum  magnitudine  munus  suum  aestimare  debent  pastores,  quo  plus  religionis  et  timoris  adhibeant  ad  illud  exercendum.  Deus  manifestatus.  Vulgaris  interpres,  omisso  Dei  nomine,  ad  mysterium  refert  quae  sequuntur,  inscite  omnino  et  perperam,  ut  clarius  ex  ipsa  tractatione  patebit.  Quamquam  Erasmum  habet  suffragatorem:  qui  tamen  ipse  sibi  fidem  elevat,  ut  mea  refutatione  opus  non  sit.  Graeci  certe  omnes  in  hanc  lectionem  consentiunt,  Deus  manfestatus  in  earne.  Verum  ut  demus  nomen  Dei  non  fuisse  expressum  a  Paulo,  subaudiendum  tamen  esse  Christi  nomen  fatebitur  quisquis  prudenter  omnia  expendet.  Ego  tamen  sine  difficultate  receptam  a  Graecis  lectionem  sequor.  Quod  manifestationem  Christi,  qualem  postea  describit,  vocat  magnum  arcanum,  ratio  in  promptu  est  :  haec  enim  est  altitudo,  profunditas  et  latitudo  sapientiae,  cuius  meminit  ad  Ephesios  3,  18  ad  quam  sensus  omnes  nostros  obstupescere  necesse  est.  Nunc  ordine  excutiamus  singula.  Non  potuit  magis  proprie  de  Christi  per-  Calvini  opera.  Vol.  Lll.