51:289  289  SUR  L'EPITRE  AUX  EPHESIENS.  290  nous  faut  plus  estre  agitez  de  folle  convoitise  de  scavoir  ou  ceci,  ou  cela,  d'autant  que  c'est  la  (comme  i'ay  dit)  toute  la  perfection  de  nostre  scavoir,  c'est  a  scavoir,  nostre  Seigneur  Iesus  Christ.  Et  voila  pourquoy  aussi  il  a  dit  aux  Colossiens,  qu'il  a  este  fidele  docteur,  voire  pour  amener  les  hommes  a  perfection  de  sagesse.  Il  confesse  bien  qu'il  estoit  rude  de  parole  et  rustique,  et  qu'il  n'avoit  pas  ni  sagesse,  ni  Rhetorique  qui  fust  beaucoup  prisee  du  monde:  mais  cependant  il  declare  que  quand  on  recevra  sa  doctrine,  on  trouvera  une  substance  pleine  pour  y  avoir  pleine  nourriture  des  ames,  et  qu'il  ne  faut  plus  y  adiouster  rien.  Auiourd'huy  quand  nous  oyons  ceci,  il  nous  faut  estre  admonnestez  de  nous  tenir  en  bride,  et  de  reprimer  toutes  nos  foles  curiositez  qui  sont  trop  enracinees  en  nous,  pour  nous  tenir  a  la  pure  doctrine  de  l'Evangile,  et  nous  y  arrester  du  tout.  Voila  donc  en  somme  ce  que  nous  avons  a  retenir  de  ce  passage.  Cependant,  notons  ce  que  i'ay  desia  touche,  que  toutesfois  et  quantes  que  l'Evangile  se  presche,  la  grace  de  Dieu  est  espandue  sur  nous.  Si  nous  cognoissons  sa  bonte  et  largesse  qu'il  nous  fait  sentir  quand  il  arrouse  la  terre,  a  fin  qu'elle  nous  produise  fruits  pour  la  nourriture  de  nos  corps:  par  plus  forte  raison  quand  la  Parole  de  salut  nous  est  envoyee,  cognoissons  que  non  seulement  Dieu  nous  arrouse  pour  le  salut  de  nos  ames,  mais  qu'il  nous  abruve  tellement,  que  nous  pouvons  estre  rassasiez  du  tout.  Car  aussi  sainct  Paul  ne  se  contente  pas  de  dire  qu'estans  steriles  nous  avons  quelque  rafreschissement  par  l'Evangile:  mais  il  dit  que  c'est  comme  si  Dieu  iettoit  l'eau  en  abondance,  et  que  nous  en  fussions  abruvez,  que  nous  en  fussions  tellement  refectionnez,  que  nous  peussions  la  dessus  avoir  substance  et  vigueur  pour  continuer  iusques  en  la  fin.  Voila  donc  comme  nous  devons  priser  la  bonte  de  Dieu,  quand  il  luy  plaist  que  nous  soyons  attirez  a  luy  par  le  moyen  de  l'Evangile,  et  qu'aussi  quant  et  quant  nous  entrions  en  possession  des  biens  qui  nous  ont  este  acquis  par  nostre  Seigneur  Iesus  Christ,  selon  qu'il  nous  les  presente  par  sa  Parole,  et  qu'il  veut  que  nous  les  recevions  par  foy.  Il  adiouste  quant  et  quant  pour  declaration  plus  ample,  Que  oest  d'autant  qu'il  nous  a  manifeste  le  secret  de  sa  volonte,  voire  selon  son  bon  plaisir,  lequel  il  avoit  auparavant  ordonne  en  soy.  Voici  encores  qui  doit  amplifier  d'avantage  la  dignite  de  l'Evangile:  c'est  que  la  nous  avons  les  secrets  qui  estoyent  auparavant  cachez  en  Dieu.  Et  ce  n'est  point  seulement  ici  que  S.  Paul  en  parle  en  telle  sorte:  mais  nous  en  verrons  encores  une  deduction  plus  ample  au  2.  chap.  Et  ce  n'est  point  seulement  en  ceste  Epistre,  mais  par  tout,  qu'il  monstre  que  nous  devons  estre  comme  ravis,  quand  l'Evangile  se  presche,  d'autant  que  la  Dieu  nous  manifeste  ce  Calvini  opera.  Vol.  LL