50:289  289  SUR  L'EPITRE  AUX  GALATES.  290  tout.  Ils  demanderont  assez  a  Dieu  qu'il  leur  envoye  ce  qu'il  scait  leur  estre  bon  et  utile:  mais  cependant  ils  ne  regardent  point  a  la  fontaine  de  laquelle  il  faloit  puiser  en  premier  lieu,  c'est  d'estre  reconciliez  a  Dieu.  Car  c'est  tout  un,  moyennant  que  Dieu  les  espargne,  et  qu'il  n'exerce  point  sa  rigueur  sur  eux:  de  son  amour  ou  de  sa  haine,  ils  n'en  sont  pas  en  grand  souci,  quand  il  les  traite  comme  leur  chair  desire  et  appete.  Or  combien  que  ceuxla  s'adressent  a  Dieu,  toutes  fois  ils  pervertissent  tout:  car  il  faloit  que  l'amour  de  Dieu  fust  constituee  en  premier  degre  et  souverain:  et  puis  qu'on  vinst  a  tant  de  benefices  qu'il  nous  eslargit,  et  par  lesquels  il  nous  testifie  sa  bonte  envers  nous.  Combien  donc  que  beaucoup  ne  se  retiennent  point  encores  en  ceste  mesure,  mais  qu'ils  facent  leurs  requestes  a  Dieu  les  plus  enormes  qu'on  scauroit  faire  a  des  creatures  mortelles,  que  l'un  appete  des  richesses,  l'autre  des  honneurs,  et  qu'il  ne  soit  point  question  de  se  contenter  de  ce  que  Dieu  envoye:  si  est-ce  qu'encores  que  les  hommes  soyent  sobres  en  leurs  souhaits,  et  qu'ils  ne  demandent  sinon  estroitement  ce  qu'il  leur  faut,  tant  y  a  que  s'ils  oublient  la  grace  de  Dieu,  ils  monstrent  en  cela  qu'ils  n'ont  encores  gueres  profite.  Notons  bien  donc  que  ce  n'est  point  sans  cause  que  S.  Paul  met  ici  ces  deux  choses  coniointes:  c'est  que  Dieu  nous  recoive  en  son  amour,  et  que  nous  sentions  que  vrayement  il  nous  est  Pere,  et  nous  accepte  pour  ses  enfans.  Et  puis  la  dessus  il  adiouste  qu'il  nous  face  prosperer.  Or  ceste  prosperite  (comme  i'ay  desia  dit)  pourra  bien  estre  desirable:  mais  cependant  si  faut-il  que  ia  seule  bonte  de  Dieu  nous  console:  quand  en  ce  monde  nous  aurons  a  souffrir  beaucoup  de  pouretez,  que  les  choses  ne  viendront  pas  comme  nous  voudrions,  si  faut-il  que  nous  ayons  ce  contentement  la,  que  Dieu  nous  accepte.  Or  il  met  quant  et  quant  le  nom  de  nostre  Seigneur  Iesus  Christ  pour  ce  qu'il  est  impossible  que  Dieu  nous  soit  favorable  sinon  par  le  moyen  de  son  Fils,  auquel  il  a  tout  son  bon  plaisir  comme  il  en  est  parle  tant  au  dixseptieme  chapitre  de  sainct  Matthieu,  qu'au  premier  chapitre  des  Ephesiens.  Quand  donc  nous  n'aurions  sinon  la  maieste  de  Dieu  qui  se  presentera  devant  nos  yeux,  elle  sera  pour  nous  effrayer,  et  n'y  pourrons  pas  avoir  aucun  acces  a  cause  que  nous  sommes  creatures  fragiles,  et  mesmes  qu'il  n'y  a  en  nous  que  peche:  nous  campons  ici  sur  la  terre:  mais  nous  sommes  dignes  d'estre  engloutis  iusques  au  profond  d'enfer.  Il  faut  bien  donc  que  Iesus  Christ  nous  apparoisse,  que  nous  regardions  a  luy  pour  gouster  que  c'est  de  l'amour  de  Dieu,  et  pour  avoir  la  iouissance  de  tous  les  biens  qu'il  nous  eslargit:  car  ils  n'appartiennent  sinon  au  Fils  unique  qui  est  heritier  de  toutes  choses,  comme  l'Apostre  en  parle  au  premier  cha-  Caivini  opera.  Vol.  L.