5:269  DE  SACERDOTIO  PAPALI  ABIICIENDO.  pietatis  in  Deum,  vel  adversus  homines  iniustitiae  genus  praetereunt,  dum  optima  fide  quod  suarum  est  partium  exsequuntur.  Earum,  inquam,  partium,  quas  tua  voce  privatim  demandasti,  quas  publice  solenni  diplomate  confirmasti.  Ut  gesta  eorum  perinde  habenda  sint,  ac  si  gerendis  illis  coram  ipse  praefuisses.  Equidem  invitus,  nec  sine  pudore  facio,  ut  delicta  istaec  tua  tam  praecise  urgeam:  ne  accusationem  magis  instruere  videar,  quam  monitorem  agere.  Sed  quid  in  re  aperta  tibi  blandiar?  Praesertim  quum  eo  periclitari  maxime  te  cognoscam,  quod  in  perpetrandis  id  genus  nequitiis,  perinde  ac  si  quiddam  ludicrum  foret,  tibi  delicias  facis?  Hoc  ergo  rursum  pronuncio,  eni  infitiandol)  nequaquam  eris:  religionem  plebemque  Dei,  quarum  tibi  cura  demandata  erat,  non  tua  modo  ignavia  deaertafe  pessum  ire,  sed  improbitate  etiam  nequitiaque  profligari.  Si  iure  in  militiae  desertorem  capitaliter  leges  animadvertunt,  quae  satis  iusta  poena  in  transfugam  constituatur,  qui  non  loco  tantum  et  ordine  suo  cesserit,  sed  hostiliter  etiam  castra  ipsa  vexarit,  quorum  in  defensionem  iuraverat?  Age  vero,  nihil  hic  gravius  quam  officii  praetermissione  te  delinquere  fingamus  (quanquam  longe  secus  rem  habere  palam  est),  quot  tamen  adhuc  Dei  maledictiones  undique  te  obsideant,  cernis.  Vae  mihi  nisi  evangelizem,  dicebat  Paulus:  munus  enim  mihi  demandatum  est  (1  Cor.  9,  17).  Et  qua,  quaeso,  maiore  praerogativa  Vae  istud  abs  te  depreceris,  quod  ipse  sibi  apostolus  denunciabat?  Debitorem  ille  se  eruditis  pariter  et  rudibus  profitebatur  (Rom.  1,  14),  ad  quos  apostolus  mittebatur.  Tu  cur  aliquid  minus  tuis  debeas,  quibus  episcopus  es  praefectus?  Ille  Ephesinis  mundum  se  ab  omnium  sanguine  testabatur  (Act.  20,  26),  quia  nunquam  subterfugisset,  quominus  omnem  Dei  voluntatem  illis  enarraret.  Tu  quam  a  sanguine  munditiem  iactabis,  cuius  ex  ore  nulla  paene  unquam  syllaba  audita  est,  spag.  56]  quae  vel  una  in  re  Domini  voluntatem  saltem  subobscure  indicaret?  Neque  vero  eo  usque  sum  iniquus,  ut  pastorem  nullum  ferendum  censeam,  nisi  qui  incomparabilem  illam  et  vere  divinam  Pauli  virtutem  aequis,  ut  dicitur,  passibus  sit  assequutus.  Quin  potius  et  permultos  fuisse  olim,  et  hodie  esse  non  paucos  dico,  non  episcoporum  nomine  solum,  sed  laude  etiam  admirationeque  omnium  dignissimos,  quorum  neminem  tamen  video  parem  illi  exstitisse.  Sed  hoc  honore  dignamur  eos,  qui  etsi  ad  ultimam  illam  perfectionem  non  pertingant,  ad  eam  tamen  strenue  contendunt  et  enituntur,  ut  si  cum  Paulo  ipso  comparentur,  impares  esse  dicas,  magis  quam  dissimiles.  Tu  quum  nullam  eiusmodi  similitudinem  prae  te  feras,  mirum  est,  si  Vae  1)  inficiendo,  1550.1611  (Gallus:  nier).  Calvini  opera.  Vol  V,