49:289  289  CAPUT  XVI.  290  quum  tunc  Satan  velut  solutis  aut  ruptis  habenis  insolenter  omnia  misceret,  promittit  brevi  futurum  ut  Dominus  eum  subigat  et  quasi  eorum  pedibus  calcandum  praebeat.  Mox  sequitur  precatio,  ut  gratia  Christi  sit  cum  illis:  hoc  est,  ut  fruantur  bonis  omnibus,  quae  nobis  per  Christum  parta  sunt.  21.  Salutant  vos  Timotheus  cooperarius  meus  et  Lucius  et  Iason  et  Sosipater,  cognati  mei.  22.  Saluto  ego  vos  Tertius  qui  scripsi  epistolam  in  Domino.  23.  Salutat  vos  Gaius  hospes  meus  et  ecclesiae  totius.  Salutat  vos  Erastus  quaestor  aerarius  urbis,  et  Quartus  frater.  24.  Gratia  Domini  nostri  Iesu  Christi  sit  cum  omnibus  vobis.  Amen.  25.  Ei  vero,  qui  potens  est  vos  confirmare  secundum  evangelium  meum,  praeconium  scilicet  Iesu  Christi  secundum  revelationem  mysterii,  quod  temporibus  saecularibus  tacitum,  26.  manifestatum  nunc  fuit,  et  per  scripturas  propheticas,  secundum  aeterni  Dei  ordinationem,  in  obedientiam  fidei  ad  omnes  gentes  promulgatum:  27.  soli  sapienti  Deo  per  Iesum  Christum  gloria  in  saecula.  Amen.  21.  Salutant  vos,  ete.  Salutationes,  quas  adscribit,  partim  ad  fovendam  inter  longe  dissitos  coniunctionem  spectant:  partim  ut  agnoscant  Romani  fratrum  suorum  subscriptionem  in  epistola.  Non  quod  opus  habuerit  Paulus  aliorum  testimonio,  sed  quia  non  parum  iuvat  piorum  consensus.  Clauditur  autem  epistola  (ut  videre  licet)  Dei  laude  et  gratiarum  actione.  Commemorat  enim  praeclarum  illud  Dei  beneficium,  quod  evangelii  luce  gentes  dignatus  sit:  in  quo  apparuit  immensa  et  nunquam  satis  praedicata  eius  bonitas.  Quamquam  habet  etiam  encomium  istud,  quod  ad  erigendam  stabiliendamque  priorum  fiduciam  valeat,  ut  animis  in  Deum  erectis  omnia  certo  exspectent,  quae  hic  ei  deferuntur  :  tum  etiam  ex  superioribus  eius  beneficiis  spem  in  posterum  confirment.  Quoniam  autem  multa  in  unam  sententiam  colligendo  longam  periodum  produxit,  quae  implicita  est  hyperbato,  singula  membra  dividenda  nobis  sunt.  Primum  soli  Deo  tribuit  omnem  gloriam  :  deinde  ut  ostendat  iure  ei  deberi,  obiter  commemorat  quasdam  eius  virtutes,  unde  appareat  ipsum  solum  omni  laude  esse  dignum.  Solum  sapientem  esse  dicit:  quae  laus,  dum  illi  vindicatur,  omnibus  adimitur  creaturis.1)  Quamquam  videtur  Paulus  postquam  de  arcano  Dei  consilio  loquutus  est,  hoc  encomium  consulto  attexuisse,  quo  omnes  in  sapientiae  Dei  reverentiam  et  admirationem  raperet.  Scimus  enim,  ubi  in  Dei  operibus  causam  non  reperiunt  homines,  quam  sit  illis  proclive  obstrepere.  Potentem  esse  Deum  ad  confirmandos  "Romanos  addens,  de  finali  perseverantia  certiores  eos  reddit  Atque  ut  *)  Ad  eorum  consolationem  pertinet  quod  dicit  eum  esse,  qui  in  finem  confirmare  eos  potest.