41:289  289  IN  DANIELEM.  CAP.  XII.  290  nem,  tales  coram  Deo  reputari,  quoniam  apud  ipsum  valet  sola  gratuita  electio.  Hic  ergo  distinguit  inter  titulares  filios  Abrahae,  et  inter  legitimos,  inter  externam  ecclesiam,  et  arcanam  quae  vera  est  ecclesia,  et  quae  censetur  coram  Deo.  Unde  autem  pendet  hoc  discrimen,  ut  alii  qui  gloriantur  se  esse  Abrahae  filios,  tamen  repudientur  a  Deo,  alii  autem  reputentur  inter  legitimos  filios?  Nempe  ab  ipso  Deo  et  mera  eius  gratia.  Declarat  quidem  Deus  suam  electionem  quum  regenerat  electos  suos  spiritu  sanctitatis,  et  ita  insculpit  illis  certam  notam,  ut  probent  tota  vita  se  veros  esse  eius  filios,  et  adoptionem  suam  confirment.  Interea  ad  fontem  venire  necesse  est,  nempe  quod  solus  Deus  gratuita  electione  discernat  externam  ecclesiam  (quae  nihil  habet  praeter  titulum)  a  vera  ecclesia  quae  perire  vel  excidere  non  potest.  Sic  videmus  plurimis  scripturae  locis  reiici  hypocritas  qui  turgent  superbia,  quoniam  externa  symbola  gestant  cum  filiis  Dei  communiter.  Et  ideo  haec  restrictio  nobis  notanda  est,  ut  sciamus  nullius  esse  momenti  externam  pompam,  atque  ut  millies  occupemus  locum  in  ecclesia,  hoc  tamen  nihil  nobis  prodesse,  nisi  vere  simus  populus  Dei,  quemadmodum  etiam  dicitur  Psalmo  15.  et  24.  Nam  huc  tendit  uterque  Psalmus,  sicuti  etiam  Psalmus  73  (v.  1):  Quam  bonus  Israeli  Deus,  nempe  qui  recto  sunt  corde.  Quanquam  in  his  locis  Psalmorum  non  statuitur  causa  in  electione  arcana  Dei,  sed  in  externo  testimonio,  quod  etsi  inferius  est  ordine,  tamen  non  pugnat  cum  prima  causa.  Obtinet  quidem  suum  gradum,  sed  electio  Dei  semper  dominatur.  Et  ideo  per  librum  hic  notatur  aeternum  consilium  Dei,  quo  nos  elegit  et  sibi  adoptavit  in  filios  ante  creatum  mundum,  sicuti  dicitur  primo  ad  Ephesios  capite  (v.  4).  Eodem  etiam  sensu  dicit  Ezechiel  capite  13  (v.  9)  quum  invehitur  adversus  pseudoprophetas  qui  fallebant  populum  Israel,  Manus  mea,  inquit  Deus,  erit  super  prophetas  istos,  qui  populum  meum  decipiunt.  Non  erunt  igitur  in  arcano  coetu  Besod  populi,  neque  etiam  in  scriptura,  inquit,  domus  Israel  reperientur.  Ponitur  tamen  illic  verbum,  quod  significat  scribere.  Ergo  in  scriptura  domus  Israel  non  scribentur,  inquit.  Hic  vero  ponitur  nomen  libri  eodem  sensu.  Et  interea  nihil  crassum  fingere  oportet,  quasi  Deus  opus  habeat  libro.  Nam  liber  eius  est  aeternum  illud  consilium,  quo  suos  sibi  praedestinat  et  eligit  in  spem  aeternae  salutis.  Nunc  ergo  tenemus  summam  huius  doctrinae,  quod  scilicet  ecclesia  manebit  salva  inter  multas  mortes,  atque  in  ultima  desperatione  tamen  evadet  Dei  virtute  et  auxilio.  Sed  tenenda  est  definitio  ecclesiae,  quoniam  multi  ore  iactant  se  esse  Dei  filios,  qui  tamen  extranei  sunt.  Ergo  veniendum  est  ad  electionem,  quia  ex  illo  fonte  manat  salus  nostra.  Iam  gratuitam  adoptionem,  quae  per  se  est  abscondita,  sequitur  vocatio  quae  est  eius  testimonium,  quum  Calvini  opera.  Vol,  XLI.