10.1:289  PRO  FALLESIO.  Deum,  unicum  nempe  meum  praesidium,  invoco,  per  eius  filium,  quem  nobis  mediatorem  et  patronum  dedit.  Certusque  sum  hac  ratione  mihi  ad  Dei  maiestatem  aditum  patefieri.  Eum  autem  invoco,  tum  ut  gloriam  suam  regnumque  promoveat  petiturus,  tum  ut  peccata  mihi  remittat,  tum  etiam  ut  mihi  perpetuo  adsit,  ad  bonum  veluti  manu  ducat,  atque  [a]  malo  revocet:  postremo  ut  me  totum  tuendum  suscipiat,  et  quidquid  necessarium  est,  tam  corpori  quam  animae,  suppeditet.  Neque  tantum  mihi  privatim  haec  omnia  postulo,  sed  universis  hominibus,  eo  quem  ipse  magister  docuit  ordine.  Quod  ad  sacramenta  attinet,  eo  apud  me  loco  sunt,  quo  esse  debent  apud  Christianos.  Baptismum  agnosco  esse  certum  testimonium,  et  veluti  sigillum  nostrae  per  sanguinem  Christi  abluitionis  simul  et  regenerationis,  per  spiritum  sanctum:  [pag.  39]  in  eoque  nos  certiores  reddi,  de  benevolentia  Dei  et  vita  aeterna  tum  nostro,  tum  liberorum  nomine.  Agnosco  quoque  et  fateor,  in  coena  Domini  sub  signis  panis  et  vini  vere  nos  corpus  et  sanguinem  Christi  recipere:  atque  hunc  esse  recipiendi  modum,  quod  hic  in  terra  locati,  fide  tamen  in  coelum  conscendimus,  ipse  vero  se  nobis  arcana  spiritus  sui  virtute  communicat,  ut  animas  nostras  alat  sua  substantia  quo  eius  facti  participes,  et  illius  corporis  membra,  omnium  quoque  bonorum  eius  participes  fiamus.  Atque  haec  quidem  duo  sacramenta  in  ecclesia  sentio  esse  administranda  per  eos,  qui  ad  ministerium  ecclesiae  vocati  sunt  et  electi,  eorumque  usum  ad  omnes,  pro  cuiusque  modo,  pertinere.  Porro  et  iliud  profiteor,  pios  omnes  religiose  tueri  debere  ecclesiae  unitatem,  extra  quam  nulla  salus  sit,  et  capitale  coram  Domino  crimen  esse,  si  quis  se  divellat,  et  suam  sectam  instituat.  Ut  autem  unica  est  ecclesia  universalis,  quae  pios  omnes  complectitur:  sic  etiam  passim  ecclesias  particulares,  quae  illius  sint  veluti  membra,  esse  distributas,  in  quarum  coetu  debeant  Christiani  Deum  invocare,  sive  fidei  testimonium  edere,  sacramentis  uti,  sacras  conciones  [pag.  40]  audire.  Ac  ne  quid  confuse  fiat,  pastores  gubernando  populo  praeficiendos  esse,  huncque  ordinem  quem  Christus  instituit  turbari  non  debere.  Quare  et  eos  honorandos  iudico,  et  iis  esse  parendum  suum  officium  vere  facientibus.  Sic  enim  ipsi  Deo,  cuius  illi  doctrinam  proponunt,  morem  geri.  Atque  ut  fortasse  dissolutae  sint  impuraeque  vitae,  non  esse  tamen  privati  hominis  eos  statim  depellere:  sed  ea  de  re  suo  ordine  esse  statuendum.  Atque,  ut  honesta  aliqua  politia  conservari  possit,  opus  esse  quibusdam  legibus  ad  usum  singularum  ecclesiarum  accommodatis:  ac  sicut  penes  ecclesiam  est  eas  condendi  autoritas,  ita  conditis  debere  omnes  parere:  modo  latae  non  sint  ad  conscientias  obstringendas,  sed  ad  retinendam  tan-  Calvini  opera.  Vol  X.