9:288  esset.  Nunc  [pag.  30]  libris  meis  omnibus  promiscue  sinistram  notam  aspergens,  abolere  vis  eorum  memoriam:  et  quod  sine  ulla  offensione  legi  in  libris  meis  poterat,  pro  tuo  commodo  maligne  depravans,  odiosum  reddis.  Etsi  autem  Augustini  prudentiam  non  improbo,  quod  hostium  suorum  astutiae  et  improbitati  occurrere  volens,  sic  temperat  suas  responsiones,  ut  odium  declinet,  mihi  tamen  utilius  videtur  libere  tua  maledicta  refutare,  quam  vol  minimam  tergiversantis  dare  speciem.  4  L  Primum  articulum  nrripis:  Quod  Deus  nudo  puroque  voluntatis  suae  arbitrio  maximam  mundi  partem  creaverit  ad  perditionem.  Atqui  totum  illud  de  maxima  parte  mundi,  et  de  nudo  puroque  Dei  arbitrio  fictitium  est,  atque  ex  malitiae  tuae  officina  productum.  Etsi  enim  quid  toti  humano  generi  [pag.  31]  futurum  esset  Deus  ab  initio  decrevit,  haec  tamen  loquendi  ratio  nusquam  apud  me  occurret:  Finem  creationis  esse  aeternum  interitum.  Itaque,  instar  porci,  boni  odoris  doctrinam  rostro  tuo  evertis,  ut  aliquid  foetoris  reperias.  Deinde,  quanquam  mihi  Dei  voluntas  summa  est  causa,  ubique  tamen  doceo,  ubi  in  eius  consiliis  et  operibus  causa  non  apparet,  apud  eum  tamen  esse  absconditam,  ut  nihil  nisi  iuste  et  sapienter  decreverit.  Itaque  quod  de  absoluta  potestate  nugantur  Scholastici  non  solum  repudio,  sed  etiam  detestor,  quia  iustitiam  eius  ab  imperio  separant.  Nunc  vide,  canis,  quid  proterve  latrando  proficias.  Ego  Dei  arbitrio  humanum  genus  subiiciens,  clare  affirmo  nihil  eum  decernere  sine  optima  causa:  quae  si  hodie  nobis  incognita  est,  ultimo  die  patefiet.  Tu  purum  nudumque  arbitrium  obtrudens,  mihi  impudenter  exprobras  [pag.  32]  quod  palam  centum  vel  pluribus  locis  repudio.  Interea  hanc  esse  meam  doctrinam  agnosco  :  Non  solo  Dei  permissu,  sed  arcano  etiam  consilio  lapsum  fuisse  Adam,  omnesque  posteros  suo  lapsu  in  aeternum  interitum  traxisse.  Utrumque,  ut  video,  tibi  displicet:  quia  tam  naturae  quam  scripturae  repugnet.  Naturae  contrarium  esse  probas,  quia  omne  animal  naturaliter  suum  foetum  amat:  Deum  igitur,  qui  talem  brutis  quoque  pecudibus  affectum  indidit,  non  minus  amare  homines,  quum  sint  eius  foetus.  Hoc  vero  nimis  crasse,  quidquid  cernis  in  bove  et  asino,  a  Deo  naturae  autore  exigere,  ac  si  iisdem  legibus  quas  creaturis  suis  tulit,  obstrictus  foret.  Ut  omne  animalium  genus  propagaret,  appetitum  gignendae  sobolis  singulis  indidit.  Nunc  cum  eo  expostula,  quod  ab  ultima  aeternitate  se  uno  contentus,  virtutem  suam  quasi  sterilem  [pag.  33]  continuerit.  Certe  semper  sui  similem  fuisse  oportet.  Te  ergo  iudice  naturae  ordinem  violavit,  quamdiu  maluit  omni  sobole  carere,  quam  exserere  suam  foecunditatem.