7:288  a  carnifice  ad  mortem  rapi,  ac  tam  [pag  87]  barbarae  immanitati  pro  virili  intercederet,  compositum  a  sanctis  patribus  fuit  decretum,  non  esse  haereticis  servandam  fidem.  Quo  liberata  omni  religione  fuit  Caesaris  conscientia,  eius  autem  verecundia  et  ingenuitas  derisa  est,  quod  sibi  a  violatae  aut  saltem  neglectae  fidei  probro  adhuc  metueret:  sed  alia  nunc  est  aetas.  Mundus  qui  tunc  caecus  erat,  oculos  aperuit.  Residet  etiamnum  in  animis  Germanorum  tantae  foeditatis  recordatio,  quae  eos  satis  admonet,  ne  se  amplius  Romanensium  perfidiae  comites  adiungant.  Praesertim  vero  is  est  Caesar,  qui  famam  dignitatemque  suam  ut  Frenesio  mancipet  adduci  [pag  88]  nunquam  poterit.  Scitur,  quoties  ad  saevitiam  instigatus  fuerit  ab  isto  satana,  quibus  flabellis  fuerit  incitatus.  Constanter  tamen  stetit  in  proposito,  ut  haec  una  sit  ex  multis  eius  praeclaris  et  heroicis  virtutibus  maxime  admiratione  digna,  quod  inter  istos  imperii  motus  nunquam  se  aut  a  moderatione  et  clementia,  aut  fidei  suae  religione  dimoveri  passus  fuerit.  F  I  N  I  S  .