51:288  bien  donc  que  Christ  soit  en  general  Redempteur  du  monde,  si  est-ce  que  sa  mort  et  passion  n'apporte  nul  fruit  sinon  a  ceux  qui  recoyvent  ce  qui  est  ici  monstre  par  S.  PauL  Nous  voyons  donc  qu'apres  avoir  cognu  les  biens  qui  nous  ont  este  apportez  par  Christ,  et  lesquels  chacun  iour  il  nous  offre  par  son  Evangile,  il  faut  que  nous  soyons  conioints  a  luy  par  foy.  Car  les  Turcs,  les  Iuifs,  et  les  Papistes,  et  tous  leurs  semblables  sont  retranchez  et  alienez  de  Christ  et  pourrissent  en  leurs  ordures,  d'autant  qu'ils  presument  de  faire  merveilles.  Car  cela  est  commun  entre  les  Papistes,  et  les  Iuifs,  et  les  Turcs,  et  tous  les  Payens  qui  ont  iamais  este,  qu'il  faut  appaiser  Tire  de  Dieu.  Et  comment?  Par  plusieurs  moyens  qu'ils  se  forgent  et  qu'ils  imaginent  chacun  en  son  cerveau.  Ceux  la  donc  n'ont  nulle  communication  avec  Christ.  Et  pourtant,  si  la  foy  est  la  clef  qui  nous  donne  ouverture  pour  iouir  du  thresor  dont  S.  Paul  a  fait  mention  n'agueres,  voila,  comme  nous  serons  riches  tant  que  besoin  sera  pour  nostre  salut:  et  rien  ne  nous  defaudra,  voire  si  nous  sommes  conioints  a  Christ  par  foy.  Mais  cependant,  ce  n'est  point  sans  cause  que  S.  Paul  met  ici  ces  deux  mots,  Sagesse,  et  Intelligence:  pour  monstrer  que  c'est  assez  quo  nous  soyons  enseignez  en  l'Evangile  pour  avoir  toute  perfection,  et  que  ce  qui  est  adiouste  outre  cela  n'est  que  fiente  et  ordure,  et  puantise.  Brief,  S.  Paul  a  intitule  ici  l'Evangile  de  ces  deux  mots  tant  honorables,  a  fin  que  chacun  escoute  paisiblement  ce  qui  luy  sera  enseigne  de  Dieu,  par  le  moyen  de  son  Fils  unique,  et  que  nous  luy  soyons  tellement  dociles,  que  nous  n'entreprenions  point  de  rien  scavoir,  sinon  ce  qui  procede  de  ea  bouche,  et  qu'en  toute  simplicite  nous  recevions  ce  qu'il  nous  dit,  et  que  nous  perseverans  en  cela,  combien  que  le  monde  nous  mesprise,  et  que  chacun  s'esleve  contre  nous:  que  nous  desprisions  toutes  ces  subtilitez  du  monde,  comme  nous  voyons  que  beaucoup  ont  les  aureilles  chatouilleuses  et  voudroyent  qu'on  leur  apportast  chacun  iour  quelque  nouveaute.  A  fin  donc  que  nous  ne  soyons  point  ainsi  voltigeans,  et  que  nous  n'ayons  point  des  fols  appetis  de  plus  scavoir  qu'il  ne  nous  est  licite,  notons  bien  ce  qui  est  ici  dit  par  S.  Paul,  que  quand  nous  aurons  profite  en  l'Evangile,  la  nous  trouverons  toute  perfection  de  sagesse,  tellement  que  nous  pourrons  reietter  tout  le  reste,  non  seulement  comme  superflu,  mais  aussi  comme  nuisible,  d'autant  que  par  cela  nous  serions  destournez  de  la  pure  doctrine,  par  laquelle  il  veut  que  nous  soyons  conioints  a  luy.  En  somme,  S.  Paul  a  ici  voulu  monstrer  que  Dieu  nous  fait  un  bien  inestimable,  quand  il  luy  plaist  de  nous  appeler  a  la  cognoissance  de  nostre  Seigneur  Iesus  Christ  son  Fils  unique,  et  qu'ayans  cela  il  nous  faut  mespriser  tout  le  rester  et  qu'il  ne