5:288  sacrilegii  te  reum  agit:  quandoquidem  ore  Domini  in  sanctos  ecclesiae  usus  consecratum,  ita  perverse  abs  te  et  improbe  profanatur.  Quamobrem  frivolis  illis  tergiversationibus  valere  iussis,  nunc  te  appello  et  obtestor  praesidem  religionis,  quam  fideliter  et  sollicite  in  componenda  constituendaque  religione  labores:  ducem  ac  moderatorem  populi,  quanta  sedulitate  curandis  populi  rebus  invigiles.  Si  te  vidente  et  connivente  proscindi,  conculcari,  contaminari,  everti  denique  totam  Dei  religionem:  si  populum  misere  circumscribi,  fraudibus  irretiri,  in  ruinam  praecipitari  ostendo:  qualem  iam  praetextum  afferre  possis,  qui  vel  ad  minimam  excusationem  valeat?  Quid  quod  non  connives  modo,  sed  talibus  quoque  flagitiis  te  ipsum  inscribis?  nec  tacendo  solum  et  dissimulando  verbum  populumque  Domini  prodis,  sed  manu  ipse  tua  et  labefactas  veritatem,  et  populum  trucidas.  Hoc  enim  non  est  quod  neges:  centum  furtorum  genera,  quibus  simplex  plebecula  expilatur:  mille  sacrilegiorum  formas,  quibus  et  nomen  Dei  profanatur  et  dissipatur  veritas:  in  summa,  quidquid  paene  impietatis  et  abominationis  habet  tua  dioecesis,  et  manus  tuae  subscriptione  approbata  esse,  et  annulo  consignata.  Quod  est  sacrilegium  sub  coelo  missa  exsecrabilius?  Et  tamen  sacerdotes  nefandis  illius  sacris,  aut  ipse  initias,  aut  alteri  de  manu  in  manum  (quod  dicitur)  initiandos  tradis.  Quo  postea  se  Christi  carnifices  iactent,  ac  ipsum  populo,  veluti  promercalem,  quotidie  prostituant:  non  sine  summa  crucis  eius  contumelia,  cuius  virtutem  commentitiis  illis  suis  sacrificiis  prorsus  enervant.  Missis  ergo  suis,  quibus  nulla  est  in  terris  nocentior  lues,  quoties  populum  fascinant,  acceptum  abs  te  venenum  porrigunt.  Circulatores  istos  probe  nosti,  qui  populum  ut  pecunia  emungant,  mortuorum  ossa  circumferunt.  Quid  vel  eorum  nundinatione  foedius,  vel  praestigiis  nocentius?  Utrumque  tamen  non  sine  tuo  permissu,  addo  etiam  commendatione,  exercetur.  Quales  vero  sunt  excommunicationes?  quae  nunquam,  nisi  tua  autoritate  praetextae,  efferuntur?  Qualia  sunt  edicta  omnia,  quae  nomine  tuo  publicantur?  sive  [pag.  55]  aliquid  interdicunt,  sive  indulgent,  annon  semper  meram  spirant  tyrannidem?  Verum  quia  evolvendae1)  huius  sentinae  nullum  futurum  finem  video,  diutius  in  enumeratione  non  commorabor.  Tantum,  si  tuum  est,  quidquid  a  suffraganeo,  a  vicario,  ab  officiali  tuo  cx  officio  geritur,  quid  ex  tribus  illis  officinis  prodeat  cognosce:  et  per  me  plane  absolutus  esto,  nisi  plus  illic  pessimorum  scelerum  reperias,  quorum  conscientia  obstrictus  tenearis,  quam  sermone  designare  possim.  Nullum  enim  vel  im-  1)  Sic  sola  princeps,  Caeterae  ;  eluendae,  quod  meliorem  praebet  sensum.  Gallus  vertit:  si  ie  vou  Ioye  remuer  toute  Finfection  qui  est  dans  ce  bourbier.