49:288  sermonem  ad  eos  haberi,  qui  in  pura  Dei  doctrina  instituti  erant:  impium  enim  et  sacrilegum  divortium  est,  qui  in  Christi  veritate  consentiunt,  distrahere.  Sed  impudens  calumnia  est,  pacis  et  unitatis  praetextu  conspirationem  in  mendacia  et  impias  doctrinas  defendere.  Non  est  ergo  cur  fucum  ex  hoc  loco  faciant  papistae  ad  conflandam  nobis  invidiam:  quia  non  evangelium  Christi,  sed  diaboli  mendacia,  quibus  obscuratum  hactenus  fuit,  impugnamus  ac  convenimus.  Imo  clare  demonstrat  Paulus,  se  non  quaelibet  dissidia  sine  exceptione  damnare,  sed  quae  orthodoxae  fidei  consensum  dissipant.  Pondus  enim  subest  in  verbo  quam  didicistis:  quia  antequam  rite  edocti  essent  Bomani,  eos  a  patriis  moribus  maiorumque  institutis  discedere  oportuit.  18.  Qui  enim  tales  sunt.  Addit  perpetuam  notam,  qua  pseudoprophetae  a  Christi  servis  discernendi  sunt,  quod  gloriam  Christi  minime  curant,  sed  agunt  ventris  negotium.  Quia  tamen  dolose  irrepunt,  et  sumpta  aliena  persona  malitiam  suam  occultant,  simul  notat  quales  sint  eorum  artes,  ne  quis  circumscribatur:  nempe  quod  per  blandiloquentiam  favorem  sibi  conciliant.  Habent  etiam  evangelii  praecones  suam  comitatem  et  suavitatem,  verum  cum  libertate  coniunctam,  ut  neque  homines  vanis  laudibus  demulceant,  neque  vitiis  blandiantur:  illi  autem  impostores  et  assentatione  sibi  animos  alliciunt,  et  vitiis  parcunt  atque  indulgent,  quo  retineant  illos  sibi  devinctos.  Simplices  vocat,  qui  parum  circumspecti  sunt  ad  cavendas  fraudes.  19.  Vestra  quidem  obedientia.  Occupatio,  qua  ostendit  non  ideo  se  admonere,  quasi  maligne  de  ipsis  sentiat,  sed  quod  facilis  sit  hic  lapsus:  ac  si  diceret  :  vestra  sane  obedientia  passim  commendatur,  ut  sit  cur  de  vobis  gaudeam.  Quando  tamen  saepe  hic  contingit  simplicitate  labi,  velim  vos  ad  malum  perpetrandum  rudes  esse  ac  simplices:  in  bono  autem,  id  est,  quoties  ita  expedit,  ad  integritatem  conservandam  vos  esse  prudentissimos.  Hic  videmus  quae  simplicitas  in  Christianis  laudetur  :  ne  eum  titulum  praetendant,  qui  stupidam  verbi  Dei  ignorantiam  hodie  pro  summa  virtute  habent.  Etsi  enim  probat  in  Bomanis  quod  morigeri  sint  ac  faciles,  vult  tamen  prudentiam  ac  delectum  adhiberi,  ne  eorum  credulitas  quibuslibet  imposturis  sit  exposita.  Sic  ergo  illis  gratulatur  quod  expertes  sint  malitiae,  ut  tamen  ad  cavendum  velit  esse  prudentes.  Quod  sequitur,  Deus  c  o  n  t  e  r  e  t  S  a  t  a  n  a  m  ,  promissio  magis  est  ad  eos  corroborandos  quam  precatio.  Hortatur  enim  ut  intrepide  adversus  Satanam  proelientur,  brevi  fore  victores  promittens.  Victus  quidem  est  semel  a  Christo,  sed  non  ita  quin  bellum  assidue  renovet:  promittit  ergo  ultimam  profligationem,  quae  non  apparet  in  medio  certamine.  Quamquam  non  de  ultimo  tantum  die  loquitur,  quo  plane  conterendus  est  Satan:  sed