15:288  in  diem  illum,  quum  illud  bibam  vobiscum  novum  in  regno  patris  mei.  R.  Et  accepto  poculo  quum  gratias  egisset,  dedit  illis  et  biberunt  ex  eo  omnes  et  dixit  illis:  Hic  est  sanguis  meus  novi  testamenti  qui  pro  multis  effunditur.  Amen  dico  vobis  posthac  non  bibam  de  fructu  vitis  usque  ad  diem  illum  quum  illud  bibero  novum  in  regno  Dei.  L.  Similiter  et  poculum  postquam  coenavit  dicens:  Hoc  poculum  novum  testamentum  in  sanguine  meo,  qui  pro  vobis  effunditur.  P.  Similiter  et  poculum  postquam  coenavit  dicens:  Hoc  poculum  novum  testamentum  est  in  meo  sanguine:  hoc  facite  quotiescunque  biberitis  in  mei  commemorationem.  De  vera  manducatione  corporis  et  sanguinis  Domini.  S.  Augustinus  de  Consensu  Evangelistarum  Lib.  3  c.  1.  Ioannes  de  corpore  et  sanguine  Domini  hoc  loco  nihil  dixit,  sed  plane  alibi  multo  uberius  hinc  Dominum  loquutum  esse  testatur.  Id  alibi  ipse  exposuit  in  aliis  suis  scriptis  de  cap.  Ioannis  6.  Ioann.  Dixit  Iesus:  Ego  sum  panis  vitae,  qui  venit  ad  me  non  esuriet  et  qui  credit  in  me  non  sitiet  unquam.  Amen  dico  vobis,  qui  credit  in  me  habet  vitam  aeternam.  Qui  enim  edit  meam  carnem  et  bibit  meum  sanguinem  habet  vitam  aeternam  et  ego  suscitabo  eum  in  novissimo  die.  Caro  enim  mea  vere  est  cibus  et  sanguis  meus  vere  est  potus,  qui  edit  meam  carnem  et  bibit  meum  sanguinem  in  me  manet  et  ego  in  illo.  Spiritus  est  qui  vivificat  caro  non  potest  quidquam.  Verba  quae  ego  loquor  vobis  spiritus  et  vita  sunt.  Ioann.  6.  Porro  si  placet  hic  Archigeni  nostro  Westphalo,  fabrice  tur  et  ex  hac  Evangelistarum  et  Apostolorum  materia  chaos,  ut  vocat,  inexplicabilem  et  sese  collidentium  opinionum  dissensionumque.  Hoc  quidem  eo  iure  poterit,  quo  nostrorum  sententias  et  expositiones  in  certamen  et  pugnas  produxit,  iure  scilicet  calumniae.  Ingens  est  enim  dissimilitudo  in  verbis  Apostolorum  et  Evangelistarum  de  Coena  Domini,  dum  hic  plus,  ille  minus  habet,  dum  hic  illis  alius  aliis  utitur  verbis,  dum  hic  aliqua  ponit,  alius  omittit  ete.  Matthaeus  et  Lucas  et  Paulus  dicunt:  Quum  egisset  gratias.  Unus  Marcus  habet,  Quum  benedixisset  Lucas  deinde  plus  quiddam  dicit  quam  Matthaeus  et  Marcus,  explicans  quale  corpus  intellexit  Dominus  dicens:  Quod  pro  vobis  datur.  Id  aliter  effert  Paulus  :  Quod  pro  vobis  frangitur.  Idem  addit  sicut  Lucas  etiam:  Hoc  facite  in  mei  recorder  tionem  y  quo  priores  duo  carent.  Idem  quoque  Paulus,  utcunque  invertit  ordinem  verborum  solemnium  quae  vocant  consecrationis.  Alii  enim  dicunt: