10.1:288  Nam  et  si  quam  boni  speciem  fortasse  praetexuerimus,  nihilominus  coram  Deo  mera  est  abominatio,  si  in  ea  haereamus,  quam  dixi,  naturae  corruptione.  Sed  Deus,  pro  infinita  sua  bonitate,  nos  intuitus,  et  intelligens  deploratum  esse  hunc  morbum,  nisi  si  succurreret  ipse,  nostri  misertus  est  et  opem  attulit  per  lilium  suum  Dominum  nostrum  Iesum  Christum,  quem  emisit,  ut  nos  redimeret,  et  quod  in  Adam  ademptum  fuerat,  restitueret.  Itaque  agnosco  Dominum  nostrum  Iesum,  ut  id  cuius  nomine  missus  erat,  impleret  praestaretque,  sua  morte  nos  reconciliasse  Deo  patri  suo,  et  nostra  peccata  delevisse,  ne  quid  obstaret,  quominus  illi  accepti  essemus.  Nunc  quoque  per  spiritum  sanctum  a  servitute  peccati  nos  asserere  ac  liberare,  quum  veterem  in  nobis  hominem,  sive  naturae  nostrae  pravitatem  mortificat,  ut  aliquando  renascamur,  sicuti  ipse  nos  regenerat.  Sic  itaque  credo,  nos,  ex  mortis  aeternae  faucibus  ereptos,  a  Domino  in  gratiam  recipi,  et  iam  pro  iustis  haberi  gratuita  eius  bonitate,  nullo  autem  nostro  merito.  Atque  ea  quidem  ratione  a  Domino  adoptatis,  et  in  numerum  filiorum  eius  ascitis,  spiritum  sanctum  communicari  [pag.  37]  per  Christum,  ut  vitam  nostram  in  Dei  obsequium  componamus.  Eam  tamen  esse  nostram  imbecillitatem,  ut  minime  officio  nostro  respondeamus:  sed  Dominum  propter  Christum  eadem  sua  gratia  supplere,  sarcireque  quod  nobis  deest,  suaque  misericordia  condonare:  ut  nobis  perpetuo  sit  opus  remissione  peccatorum.  Ergo  totam  salutis  meae  fiduciam  in  Christo  colloco,  quem  scio  certum  esse  veluti  pignus  et  arram  paterni  erga  nos  amoris:  quo  Deus  pater  nos  complectitur:  huiusque  boni  gratiam  in  solidum  uni  Christo  acceptam  fero:  ut  ne  per  somnium  quidem  ausim  quidquam  mihi  adscribere.  Credo  autem  fide  nos  Christum  cum  bonis  omnibus  suis  recipere,  ubi  pleno  assensu  excepimus  quidquid  de  eo  nobis  evangelium  testatur:  atque  ea  ratione  nos  in  eius  salutis,  quam  evangelium  offert,  possessionem  mitti  per  fidem.  Interim  agnosco  fidem  hanc  cum  poenitentia  coniunctam  esse  debere,  ut  sanctam  vitam  instituamus  recta  conscientia  dignam:  inanem  et  noxiam  esse  confidentiam,  imo  sacrilegio  et  impia  Christi  contumelia  non  carere,  si  qui  licentiae  peccandi  obtendunt  Dei  gratiam:  quum  ad  sanctitatem  et  innocentiam  vocati  [pag.  38]  simus,  non  ad  immunditiem.  Sic  itaque  sentio,  nostrae  quidem  salutis  laudem  solidam  bonitati  et  misericordiae  Dei  tribuendam,  eaque  una  nostram  fiduciam  debere  niti:  sed  tale  tantumque  bonum  nobis  non  dari,  nisi  quum  ad  Dominum  convertimur:  ut  fructus  bonorum  sanctorumque  operum  conversione  tali  dignos  edamus,  Atque  hac  quidem  fide  solum  et  aeternum