1:288  [A7;B6;C6.  eveniunt,  nihilo  obscuriora  se  proferunt  virtutum  eius  argumenta.  Nam  in  administranda  hominum  societate,  ita  providentiam  suam  temperat,  ut  quum  sit  erga  omnes  innumeris  modis  benignus  ac  beneficus,  apertis  tamen  ac  quotidianis  indiciis  suam  piis  iustitiam,  improbis  ac  sceleratis  iudicium  declaret.  Non  enim  dubiae  sunt,  quas  de  flagitiis  sumit  ultiones:  quemadmodum  non  obscure  tutorem,  ac  etiam  vindicem  se  innocentiae  esse  demonstrat,  dum  bonorum  vitam  sua  benedictione  prosperat,  necessitati  opitulatur,  dolores  lenit  ac  solatur,  adversitates  1)  sublevat,  saluti  per  omnia  consulit.  Neque  vero  perpetuam  iustitiae  eius  regulam  obscurare  debet,  quod  improbos  et  sontes  ad  tempus  impunitos  exsultare  saepiuscule  sinit,  probos  autem  et  immerentes  multis  adversitatibus  2)  iactari,  impiorum  etiam  malitia  et  iniquitate  premi  sustinet.  Quin  potius  longe  diversa  cogitatio  subire  mentem  debet:  quando  in  flagitium  unum,  manifesto  irae  indicio,  animadvertit,  omnia  exsecrari;  quando  multa  inulta  praetermittit,  aliud  fore  iudicium,  quo  punienda  differantur.  Similiter  misericordiae  suae  considerandae  quantam  materiam  nobis  suppeditat,  dum  saepius  miseros  peccatores  indefessa  tamen  benignitate  prosequitur,  donec  eorum  pravitatem  benefaciendo  fregerit,  plus  quam  paterna  indulgentia  ad  se  revocando?  Nihilo  magis  aut  potentia  aut  sapientia  in  tenebris  latent;  quarum  altera  praeclare  emergit,  dum  impiorum  ferocia,  omnium  opinione  insuperabilis,  momento  uno  retunditur,  arrogantia  domatur,  diruuntur  validissima  praesidia,  tela  et  arma  comminuuntur,  vires  infringuntur,  machinationes  evertuntur  et  sua  ipsarum  mole  concidunt;  quae  supra  coelos  se  efferebat  audacia,  in  centrum  usque  terrae  prosternitur;  rursum  eriguntur  humiles,  e  pulvere  (Psal.  113,  7),  et  inopes  e  stercore  suscitantur;  oppressi  et  afflicti  ab  extremis  angustiis  eruuntur;  deplorati  in  spem  bonam  restituuntur;  inermes  de  armatis,  pauci  de  plurimis,  imbecilles  de  validis  victoriam  referunt.  Altera  autem  manifeste  excellit,  dum  optima  unamquamque  rem  opportunitate  dispensat,  quamlibet  mundi  sapientiam  confundit,  deprehendit  astutos  in  astutia  sua  (1  Cor.  3,  19),  nihil  denique  non  optima  ratione  attemperat.  14.  Videmus  non  longa  nec  laboriosa  demonstratione  opus  esse  ad  eruenda  quae  illustrandae  asserendaeque  divinae  maiestati  serviunt  testimonia,  siquidem  ex  paucis  quae  delibavimus,  quocunque  incideris,  adeo  prompta  et  obvia  esse  constat,  ut  oculis  designari  ac  digitis  notari  facile  queant.  Atque  hic  quidem  observandum  est,  invitari  nos  ad  Dei  notitiam,  non  quae  inani  speculatione  contineatur,  sed  quae  solida  futura  sit  et  fructuosa,  si  percipia-  1)  calamitates  1543  et  seqq.  2)  rebus  adversis  1543  et  seqq.